Ágústa Ósk

Jarðskjalfti???

2008-05-29T22:07:00.003Z

Allt að gerast á Íslandinu... jarðskjálftar, við komumst upp út undanúrslitunum í Júró, efnahagsástandið í vaskinum og sumarið að koma...

Ég var í bónus á meðan jarðskjálftin reið yfir svæðið og ég verð að segja að ég er svolítið svekkt yfir því að hafa misst af þessu, hillurnar í bónus eru greiiinilega niðurnelgdar af fagmönnum því að ekkert haggaðist þar :) Ég man enn hvar ég stóð árið 2000 þann 17. júní þegar hinn stóri gaur reið yfir og ég man hvernig adrenalínið skaust í gegnum kroppinn og ég hefði viljað upplifa það aftur... og þá hefði ég ekki komið svona gjöööörsamlega af fjöllum þegar bekkjarbróðir minn (í CVI í DK (fyrir þá sem kunna að lesa skammstafanir ;) ) ) (vá margir svigar að lokast í einu) í Hollandi hringdi í mig og spurði hvort það væri allt í lagi með mig. Ég skildi ekkert og HANN sagði MÉR fréttirnar frá MÍNU landi!!! Frekar halló sko.... (halló með hörðum LL-UM ekki linum) Hann fékk fréttirnar um risa jarðskjálfta á íslandi bara 50 km frá Reykjavík og hann hringdi beinnt í mig því að hann bjóst við að ég væri UPP á rústunum á húsinu mínu grátandi og ætlaði að hugga stelpuna... nei nei... annað kom nú í ljós og stelpan VISSI bara ekkert af þessu :S

Allavegana... mér þótti þetta skemmtileg saga og pæliði í því að mér þótti hún það skemmtileg að ég ákvað að blogga um hana, hef ekki bloggað í laaangan tíma haha...

Hvar voru þið þegar þið funduð fyrir gaurnum?

Þau voru nú aldeilis flott í júróvísjon... ég var stolt af þeim :)

Jæja... síjú next tæm....
Þið eruð alveg ágæt...

Ykkar Ágú-págú-fílírágú...

Endilega lesið niður og njotið minninga..

2008-04-22T13:50:00.004Z

Hér eru 45 atriði sem ég fékk sent á facebook og ákvað að þýða þau, því að þau glöddu mig svo mikið... Þetta minnir mann á að það þarf ekkert alltaf svo stór og mikil atriði til að verða glaður með hvern dag... Njótið vel!!! Sum atriðanna færðu mér sérstakan yl í hjartað og það er hellingur af þessu bara ný búið að gerast... það var gaman að rifja upp við öll atriðin hvenær þetta og þetta gerðist síðast fyrir mig...

1. Verða ástfangin.
2. Hlægja svo rooosalega að þú meiðir þig í andlitinu.
3. Heit og yndisleg sturta.
4. Engin röð í búðinni.
5. Sérstakt augnatillit.
6. Fá skemmtilegt mail.
7. Fara í bíl/mótorhjólatúr á fallegum stað.
8. Heyra uppáhaldslagið sitt í útvarpinu.
9. Liggja í rúminu og heyra rigninguna dynja á þakinu.
10. Heit og hrein handklæði beinnt út úr þurrkaranum.
11. Súkkulaði shake (jarðabera eða vanillu).
12. Freyðibað.
13. Fliss.
14. Góðar samræður.
15. Ströndin
16. Finna 5000 kall í vasanum á jakkanum sem maður hefur ekki farið í síðan seinasta sumar.
17. Hlæja að sjáfum sér.
18. Horfa í augun á einhverjum og vita að sá hinn sami elskar mann.
19. Símtal sem varir lengi við einhvern sérstakan
20. Hlaupa í gegnum úðara.
21. Hlæja af engri ástæðu.
22. Heyra einhvern segja við mann að maður sér fallegur.
23. Hlæja af einkahúmor með vinum
25. Óvart heyra einhvern segja eitthvað fallegt um mann.
26. Vakna og líta á klukkuna og fatta að maður á enn nokkra tíma eftir áður en maður þarf að vakna.
27. Fyrsti kossinn (annað hvort fyrsti ever eða með nýrri manneskju)
28. Eignast nýja vini eða vera með þeim gömlu.
29. Leika við nýjan kettling eða hvolp.
30. Þegar einhver fiktar í hárinu á manni.
31. Góðir draumar.
32. Heitt súkkulaði.
33. Ferðast um Ísland með vinum.
34. Róla í rólu.
35. Mynda augnkontakt við ókunnugan.
36. Baka smákökur.
37. Fá eitthvað heimagert frá vini.
38. Halda í höndina á einhverjum sem manni þykir vænt um.
39. Rekast á gamlan vin og átt sig á því að sumt (gott eða slæmt) breytist aldrei
40. Sjá svipinn á einhverjum sem fær gjöf frá þér sem þú veist að þeim mun líka vel.
41. Horfa á sólarupprás.
42. fara fram úr á morgnanna og vera þakklátur fyrir annan fallegan dag.
43. Vita að einhver saknar þín.
44. Fá faðmalag frá einhverjum sem þér þykir mjög vænt um.
45. Vita að þú hafir gert það rétta, sama hvað aðrir segja um þig.

Vonandi hefur þú notið þess að lesa í gegnum þennan lista. Ég veit að ég gerði það og færði mér meira vor í hjarta.

Sigurhelgi...

2008-04-14T21:03:00.004Z

Halló halló heillandi lesandi :) (önnur augabrún upp)

Mikið rosalega átti ég góða helgi, er enn með bros á vör...

Föstudagur:
Vaknaði snemma og sótti Sigga Þór og Ólöfu og við lögðum af stað til Akureyrar í sigurförina :) Við áttum frábæran akstur. Stoppuðum og fengum okkur að borða, hlustuðum á frábæra tónlist, skiptumst á skemmtilegum sögum og bara nutum þess í botn að vera að ferðast í faaallegu veðri. Ég og Siggi Þór skiptumst á að keyra. Komum á Akureyri og Siggi Þór fór á æfingu fyrir keppnina... Svo skelltum við okkur í sund og svo á Greifan... Kvöldið endaði með hriiikalega fyndnu leikriti þar sem frænka mín Kristín Þóra fór gjöööörsamlega á kostum... ó jiii við öskruðum af hlátri öll þrjú... roosalega var þetta skemmtilegt!

Laugardagur:
Þurftum að mæta á æfingu snemma (segi við... en auðvitað var það bara hann... við vorum jú mikilvægar líka því að við vorum "standa við bakið hópurinn" og hvöttum hann til dáða... ég var svoooo viss um að hann mynd vinna þetta) og vorum á æfingu og rennsli alveg til 4 um daginn.. þá fórum við heim og lögðum okkur örlítið. Fengum okkur að borða og svo bara keppnin... Keppnin var náttlega sérlega skemmtileg og brá mér mikið við það að gítarinn hans var ekki inni... en ég var svoooo stolt af honum að halda bara ótrauður áfram og spila bara með. Sýndi mjög mikið hvað hann er pro og öruggur með það sem hann er að gera. Hann á framtíðina fyrir sér gaurinn! Ég hef miiikla trú á honum... Svo fór þetta eins og maður hafði sagt allan tíman og drengurinn vann. Hann bjóst ekki við þessu, svo að þetta kom honum skemmtilega á óvart. Hann er með fæturnar á jörðinni þó svo að á einni viku hafi hann klárað vel heppnað leikrit (sem aðalleikari), komist inn í leiklistaskólan (sem er nú ekki hlaupið að) og unnið söngkeppni framhaldsskólana!!! Ég er nú hrædd um að ég væri búin að fljúga örlítið upp frá jörðinni en hann stendur stöðugur... vá mér finnst það magnað. Eftir keppnina fórum við bara upp á hótelherbergi að tjilla... mjög notalegt... Svo fór ég heim til mín (ég gisti hjá frænku minni) og ákvað að kíkja aðeins á ballið og hlusta á hljómsveitina Buff. Mikið var það gaman, geggjuð hljómsveit... þeir höfðu það svoo gaman á sviðinu og gerðu allt sitt svo vel. Gaman að heyra loks í Pétri almennilega þar sem hann er kallaður "bakrödd Íslands" ég verð nú aðeins að fá að segja að hann er nú bara muuun meira en bakrödd... hann er fanta söngvari!!! Hinir líka Stebbi og Hannes stóðu sig mjög vel... þétt hljómsveit þarna á ferð! Ég stóð bara aftast og hlustaði... horfði á krakkana dansa og skemmta sér...
Laugardagurinn var í heild sinni alveg frááábær og ég naut hverrar mínútu!!!!!!!

Sunnudagurinn:
Tókum okkur góðan tíma í að vakna og fengum okkur að borða í róleg heitum. Keyrðum svo heim í sæluvímu eftir frábæra helgi á Akrueyri. Þegar heim var komið voru mamma og pabbi búin að grilla sigurgrill. Sæmundur og Vala, Ingvar og Addý mætt á staðin og allir að rifna úr stolti yfir litla kallinum okkar!!! Sigurður Þór Óskarsson er flottastur!!!!

Þetta var bara lítil ferðasaga takk Siggi Þór að vilja hafa stóru systir með og Ólöf, það var frábært að fá að kynnast þér örlítið betur. Takk Krístín Þóra fyrir að leifa mér að sofa heima hjá þér, þú gerðir þessa helgi yndislega og takk fyrir elsku þið sem gerðuð þessa helgi sérstaka!!!

Ykkar Ágú

Siggi Þor Snillingur... mamma afmælisbarn :)

2008-04-07T20:41:00.003Z

Jæja... Nú er maður að spriiiiinga úr stolti, svo ekki meira verði sagt!!!

Hann Siggi Þór minn er kominn inn í leikaranámið í Listaháskólanum og hananú!!! Verða tvítugur gaurinn og þrumaði sér þarna inn í fyrstu tilraun. Ég hafði þessa trú allan tíman, veit hvað hann hefur að bera og það sem hann hefur að geyma... GLÆSILEGUR!!!

Til hamingju elsku kallinn minn... þú ert snillingur og ég er stolt af þér!!!

Annað... mamma mín á afmæli í dag! Ég elska hana líka rosalega mikið og er ánægð með hana. Besta vinkona mín og besta mamma sem hægt er að hugsa sér. Þú ert frábær mamma mín og ég elska það að það varst ÞÚ sem fæddir mig... :)

Hérna er myndband þar sem Siggi Þór fer á kostum (alveg við hæfi að skella því hérna inn :) ) og kærastan hans hún Ólöf Jara er þarna líka (sem sagt stelpan sem hann syngur með og er skotinn í haha)
http://kvikmynd.is/video.asp?land=&offset=0&ba=leita&leit=kr%E6&id=5376

Kær kveðja frá Háaleitisbrautinni...

Hei hei og hó hó (samt ekki mercedes club kveðja)
Ágústa stolta :)

1. april

2008-04-02T19:51:00.003Z

Í gær hringdi Aron Elí í mig frá skrifstofunni í skólanum sínum eftir skóla og bað mig um að sækja sig því hann væri svo haltur. Ég skaust náttlega um leið út í bíl og brunaði niðrí skóla að sækja slasaða drenginn minn. Á móti mér tekur glaður drengur á hjól sem kemur á harðaspani á móti mér og spyr "ertu komin mamma?" og ég segi að sjálfsögðu "já" og þá segir hann sigri hrósandi "FYRSTI APRÍL" váááá ég hef aaaaaaaldrei verið tekin svona!!! Mér fannst þetta fyndið með honum og hló mikið því þetta kom mér svo innilega á óvart!

Í dag fór ég að fá mér bensín. 25 kr af lítranum já takk... það má fara inn í bílinn minn!!! Ég lét fullt af fólki vita í gegnum sms í símanum og kannski komu allir tíkallarnir þannig út á eitt ahhaha veit ekki. Kom á bensínstöðina, var alveg viðbúin því að þurfa að bíða í röð en engin röð var þar og ég renndi bara bílnum að næstu pumpu og setti kortið í, tók svo dæluna, setti hana í gatið og dældi þangað til að bíllinn gubbaði næstum bensíni. Þegar ég kom inn aftur og setti hann í gang þá fór rauða nálin aaaalveg upp og það er sjón sem ég hef ekki séð mjööög lengi! Mér leið bara mjög vel þegar ég keyrði af stað :) Ég er nefnilega sú týpan sem týmir ekki að kaupa sér mikið bensín, dæli yfirleitt ekki fyrir meira en 2000 kall og nálin hreyfist varla. Bróðir minn sagði eitt sinn við mig að hann væri hissa á að bensínljósið mitt væri ekki orðið perulaust því að það væri í raun alltaf logandi :/ EN EKKI NÚNA!!!

Mér finnst þetta frábært átak sem vörubílstjórar og trukkar hafa verið í !!! Hibb hibb húrrey...

Voru þið tekin 1. apríl?

Kv Ágú

Læst WC eður ei???

2008-03-13T10:47:00.005Z

Hi...

Ég er í Danmörku núna og það er alveg frábært... Er á fullu í skólanum og það eru svo mikil forréttindi fyrir mig að hafa fengið að kynnast CVI og öllu því sem kemur þessu við... I'm so happy!!!

Jiiii í gær var mjög sérstakt sem ég lenti í... Við vorum að halda tónleika og það sem var svona sérstakt við það var að þeir voru haldnir á stað sem kallast Operaen og sá staður var í Christianiu! Já já mín er orðin veraldarvön með meiru.... en í alvöru talað það var mjög sérstök lífsreynsla sem ég varð fyrir... Andrúmsloftið þegar maður gekk um göturnar var mjög rólegt en samt á einhvern hátt þrúgandi, lyktin var angan af hassi og á hverju götuhorni voru karlar að kynda, með eld í stórri tunnu og var lyktin af því líka einkennandi. Ég var að fíla þetta (ekki svo að skilja að ég var að fíla hassið og allt það, heldur bara fólkið fannst mér bara mjög vinsamlegt og þessi götustemning fannst mér heillandi, allt í svona sérkennilegum básum og svoleiðis) og fann ekki til ógnunar á nokkurn hátt en sumir í hópnum voru bara hreinlega hræddir að ganga þarna í gegn. Þegar við gengum upp tröppurnar til að komast inn á staðin þar sem við áttum að syngja voru tvær stúlkur að rúlla sér jaaah líklega heitir það jónu, það var spes og mjög sorglegt. Það voru geðveikir tónleikarnir, ég blúsaði af mér rassinn (svo að nú er ekkert sem heitir rass á mér hahaha iiii jú það er víst nóg af honum enn ;) ) oooooh það var svo gaman!!!! Svo kemur það skrítnasta við þetta allt saman... ég þurfti að pissa, kannski ekkert skrítið í sjálfu sér, en baðherbergið á Óperunni í Kristjaníu var ekki læst og það voru ekki almennilegar hurðar, það var bara svona kúreka-hlerar... Sást á milli hleranna og meðfram og allt... mjööööööög sérstakt, en ég var í spreng svo að ég þurfti bara að let it go... það kom enginn á meðan, svo að það var gott, já og það var ekkert merkt karlar og konur... jebb sem sagt allt verulega frjálslegt í Kristjaníu!

Já ég segi meir bráðum... en ég kann enn betur að meta það að geta læst að mér þegar ég fer á klósettið, því að ég náði engan veginn þessari "ahhhh hvað þetta var gott" tilfinningu, sem maður fær stundum þegar maður er í spreng og kemst loks á klósett, þetta var meira svona "fljót, fljót, fljót buna... drííífa siiiig"

Ok komið nóg af klósettumræðu...

Síja sún...

Hi hi

Ágú

Nokkrar tilnefningar...

2008-03-04T15:39:00.003Z

Gúdden tag...

Ég ákvað að hafa nokkra daga á milli blogga vegna háðs í síðustu færslu frá kommentfriend... Ég veit ég dett alveg inn í þennan lúðagýr í sambandi við bloggið og svo sjáið þið ekkert í marga annaðhvort daga, vikur eða mánuði.
Ég ætla að krýna nokkra í dag...

Afrek dagsins í dag:
- Án efa Dagný svilkonan mín sem eignaðist tvíburastelpur í dag!!! TIL HAMINGJU ELSKU ELSKU DAGNÝ OG ARNAR... Þá eiga þau BAAARA 5 stykki af börnum og öfunda ég þau tæplega, en ég samgleðst þeim bara enn meira! Hlakka til að fá að hitta skvísurnar, bíst við að þegar þær vaxa úr grasi fái ein rautt hár eins og Dagný og hin ljóst hár eins og Addý... nú á ég þetta skjalfast! Ég er mjög stolt af henni... Hetjan mín...

Hrós dagsins:
-Fá án efa gæjarnir í fiskibúðinni... rosalega voru þeir nettir á því!!! Hressir og hjálplegir,,, töluðu um að allir dagar þeirra væru föstudagar... þeir fengu aldgjörlega að heyra það frá mér að ég kynni að meta það að ganga inn í fiskibúð og fá svona móttökur... Addý sagði þegar hún kom út í bíl "þetta voru góðir og flottir gaurar" hahaha

Óréttlæti dagsins:
-Án efa hefur Herkúles (kisinn minn) verið beittur mesta óréttlætinu í dag... Hann var að leika með dótamús og naut þess í botn, svo missti hann hana frá sér og þá kemur Dísabella (hinn kisinn minn og kærastan hans) og tekur músina og þegar aumingja Herkúles ætlar að fá hana aftur þá urraði mín bara á kallinn og hann lagðist niður í uppgjafarstellingu... "bbbara svona að láta þig vita það elskan mín að þú mátt bara alveg vera með músina... já bara eins lengi og þú vilt"

Útpælari dagsins:
-Án efa Kjartan Ísak (sonur bróður míns) honum var sem sagt keyrt í skólan í morgun sem er í Hafnafirði og Sæmi býr í Hvassaleiti og kl 10:30 var hringt heim úr skólanum og Kjartan Ísak orðinn veikur... Þeir fara í bakaríið á leiðinni heim og strákurinn svoooona líka hress eftir það! Já já saknaði bara pabba og langaði heim (pabbi hans er að fara til útlanda í 2 vikur og hann ætlaði bara að nota allan þann tíma sem honum gæti gefist)

Jamm fleiri verða tilnefningarnar ekki í dag... en kannski fleiri seinna!

Takk fyrir mig...

Fallegur dagur...

2008-03-02T00:26:00.005Z

jamm jamm... góður laugardagur búinn.... þetta var svona stelpu stelpu dagur!

Yndislegt veður einkenndi þennan frábæra dag. Addý kom með mér á Gospel æfingu og var svoooo góð... yndisleg.
Fórum í sund og we went CRAZY í rennibrautinni, fjör, það var 4 stiga hiti og ekkert kalt. Fengum okkur svo ís og fórum svo í mat til mömmu og pabba... notalegt. Svo gisti hún hjá mínum frábæru foreldrum (veit nú ekki hvað ég gerði án þeirra, í alvöru) og ég fór að syngja.... Abba prógram með tveim örðum... svaaaka stuð. Þetta var sem sagt á kvennakvöldi og það var geeeðveikt stuð á kellunum.

HEY VÁ MAÐUR... Ekkert smá skrítið... ég var á leiðinni á æfingu og var að keyra niður brekkuna í Nóatúni og það voru 6 bílar í röð á rauðu ljósi og PÆLIÐI Í ÞVÍ... 5 af þessum 6 bílstjórum voru að bora í nefið!!!! Ég meina það, ég hélt að ég væri farin að sjá ofsjónir!!! En neinei, þeir voru allir með fingurinn á kafii!!! fjúff. hahahah svolítið skondið verð ég að segja.

Ég ætla að fara að sofa... er nefnilega með ónýta mynd frá videoleigunni... ég fór sem sagt í gær og tók ÞVÍLÍKA stelpumynd af því að Ingvar er í London og ætlaði að horfa á hana en þá kom bara "this disc is dirty" svo að ég skilaði henni í dag og fékk aðra sem er líka dirty!!! oooohhh svoooo pirrandi... en ég læt það ekkert á mig fá og lít bara á björtu hliðina og segi bara "jæja ég verð alla vegana ekki þreytt á morgun vegna videogláps"

Góða nótt og dreymi ykkur vel...

Ykkar Ágú-págú

Framkvæmum...

2008-02-29T11:13:00.005Z

Pétur gauuur, geðveikt að sjá þig hér inni...

Hafið þið ekki lent í því að hugsa eitthvað og ekki framkvæma það sem þið voruð að hugsa og fengið það í hausinn svona eftir á því að þið hefðuð átt að framkvæma það sem þið hugsuðuð?

Ég var niðrí FÍH um daginn og var að fara í tíma. Inn í gömlu bygginguna á skólanum kemur kona og ég geng fram hjá henni og hugsa "ég ætti að segja henni að skrifsstofan sé í hinni byggingunni" en svo hugsaði ég "æææ hún getur verið að gera margskonar hluti annað en að fara á skrifsstofuna, ég er ekki að skipta mér af þessu" svo 10 mín síðar er bankað á dyrnar þar sem við erum að vinna ég og Kristjana og spurt "vitið þið hvar skrifsstofan er í þessu húsi eiginlega, er búin að fara um allt og finn hana hvergi" (ég skil ekki hvernig hún gat verið svona lengi að leita því að þetta er ekki svo stórt hús) Þarna hefði ég getast sparað þessari konu sporin og tíman!!! But I didn't!!!

Um dagin var ég á leiksýningu. Horfði á KRÆ-BEIBÍ þar sem er hriiikalega fallegur aðalleikari (og hefur oft verið sagt að strákurinn sé líkur mér hahahha) að leika (Siggi Þór bróðir minn). Svo var ég að spjalla við hann eftir sýninguna og mér var litið sem snöggvast til hliðar og sá lítin strák, svona um 7-8 ára og hann var að taka mynd af Sigga Þór. Ég hugsaði "ætti ég ekki að stinga upp á að ég tæki mynd af þeim saman" svo spáði ég bara ekkert í þennan strák meir og hélt bara áfram að tala við Sigga Þór. Svo þegar heim var komið þá sagði Siggi Þór "æææ ég vorkenndi stráknum svo mikið sem var með myndavélina, hann var heillengi að reyna að taka mynd en ég held að engin hafi tekist" aaaarrrrg, þarna hefði ég getað glatt litla drenginn og hann hefði átt frábæra mynd!!! But I didn't!!!!

Ég held að ef eitthvað jákvætt kemur í hugan okkar þá ættum við að go for it. Ef tilgangurinn er að gleðja eða hjálpa. Auðvitað eigum við ekki að vera afskiptasöm. Það er þarna fín lína en ég held að við vitum svona í flestum tilfellum þegar við eigum að láta vaða og framkvæma hugsunina. Segja eitthvað fallegt við náungan, þrátt fyrir að okkur þykir það asnalegt, kannski er það ákkurat það sem náunginn þarf að heyra :)

Friður...

Ágústa Ósk

Rugl...

2008-02-28T22:06:00.002Z

góðan daginn...

Takk fyrir kommentið Álfheiður mín, það gladdi mitt litla hjarta...

Í dag fór ég í nálastungu... ég spurði fyrist mjög ítarlega hvort þetta væri ekkert kukl og eitthvað sem fylgdi þessu en sjúkraþjálfarinn sem stakk mig vildi meina ekki. Svo að ég sló til. Þetta á að hafa góð áhrif á mígreni (sem er eitt það versta sem ég fæ)... Þetta var mjööög svo sérstök lífsreynsla. Ég þessi nála hrædda manneskja lá varnarlaus á bekknum þar sem maðurinn kom með nálarboxið inn og sagðist ætla að stinga í hendurnar, fæturnar, ennið, hnakkan og gagnaugað á mér... ég styrðnaði öll upp og mér leið ömurlega. Maðurinn var með fallegt bros og sagði að ég þyrfti nú ekkert að hafa áhyggjur. Hann byrjaði á höndunum. Stakk og þurfti að snúa nálinni til að hreyfa við bandvefnum. Þetta voru pííínulitlar nálar sem fóru bara svona 2 mm niður. Svo kom að fótunum á mér, hann stakk í ristina og það var svooo vont... mér varð að orði að aumingja Jesús, hann fékk þykka nagla ákkurat þar sem ég fékk pííínu litlu nálina og ég svitnaði! ÚFFFFF.... Mér leist nú ekkert á þegar hann stakk ennið á mér, það vr verst... en nóg um það... vonandi mun þetta ganga! En til að klára þá var ég nálahrædda manneskjan með 10 nálar í mér í 30 mín... Til hamingju Ágú að þú fæddist hér!!!

Ég er búin að vera hyber í dag... mjög skrítin tilfinning. Ég kom heim alveg eins og lurkum lamin og lagði mig... vaknaði og ólgaði öll inn í mér, rosalega skrítið, var að skrifa á lyklaborðið og hugsaði svo hratt og fingurnir fylgdu ekki og allt varð einhvernvegin vitlaust. Ég var að tala við fólk á msn og ég var svo hrædd um að fólkið færi bara án þess að ég næði að skrifa en samt var ég að skrifa svo hratt... hugurinn var bara hyyyyyyper!!!

Búið að vera sértakt kvöld... hef bara verið ein og mér finnst ég vera að bíða eftir einhverju en ég veit ekki hverju. kannski er það bara eftir Desperat housewifes, en held samt ekki, hef ekki horft á þann þátt í þúsund ár (að minnsta kosti).

vá þetta hefur verið skrítin færsla, skrítin dagur, skrítið hugarástand.

Furðó... hef ekki annað orð yfir þetta...

Rugl!

I'm back...

2008-02-27T14:07:00.005Z

Hæhæ...

Er einhver að kíkja hérna inn ennþá? Það er örugglega eitthvað takmarkað... hef ekki verið neitt svakalega dugleg að blogga EN nú er að koma sumar og ég fer yfirleitt í gírinn þá.

Það er búið að vera ofboðslega mikið að gera hjá mér. Ber mér þess helst að nefna að ég er á fullu á Reykjalundi að koma þessu baki í lag, og þegar ég er farin að hreyfa við því þá er ég að kljást við mikinn höfuðverk, en það er að fara... já ég trúi því bara!!!

Mikið að gera í söngnum... Gospelið á fullu að syngja hingað og þangað. Er með tveimur stelpum í Abba sjói á árshátíðum, það er stuð! Bakraddir hér og þar, ég er að fíla það í botn!!! Og svo er skólin í fullu gangi, þar er ég mest í Jazzinum og Blúsnum, elska að syngja það, hentar mér eitthvað svo afskaplega vel, þar fetar líklega sólóferill minn í framtíðinni, hlakka til.

Fjölskyldan... krakkarnir alltaf jafn skemmtilegir í sínum ýmislegustu tímabilum. Þau eru bæði á svona semí erfiðu tímabili og höfum við verið að gefa þeim extra mikin tíma og sagði ég mig einmitt úr einu sjói í FÍH vegna þess að það krafðist of mikils tíma og forgangsröðunin mín sagði mér að eyða tímanum frekar með krökkunum. Svo var heilsan líka alls ekki þannig að hún gæti tekist á við þetta verkefni en það er annað mál. Börnin þurfa sitt speis og ég vil gefa þeim það!

Ég fór í Kringluna áðan og ætlaði að finna mér hvíta drakt eða eitthvað svoleiðis. Það er alveg ómögulegt núna, bara ekkert til í hvítu. Við gospelkórinn þurfum að vera hvítt klædd fyrir eitt verkefni, en ég verð bara að halda áfram að leita. kannski fer ég bara niðrí 101 og tékka á bútíkunum þar...

Elska það að sólin sé farin að skýna svona hátt á himni og svona lengi að kveldi. Elska það!!! Veturinn búinn að vera svoooltið langur, en er senn á enda. Mér finnst veturinn samt sjarmerandi en ég er afar þakklát þegar yndislega vorið kemur.

Ég á tvær kisur núna og þær eru svo skemmtilegar að fylgjast með. Þvílíka dramað! Sitthvort kynið Herkúles og Dísabella. Þau eru eins og hjón, meina það! Ég hefði bara aldrei trúað því að þessir kettir væru svona miklir persónuleikar. díííí...
Segi ykkur sögur síðar, nenni því bara alls ekki núna.

Love,
Ágústa Ósk Óskarsdóttir

What do you see???

2007-11-16T06:46:00.000Z

Ég sá nýja kók límmiðan í dag... Miðan sem er utan um jólaflöskuna í ár... Hann er kúl, mér finnst samt gamli rómantískari en þessi fékk mig heldur betur til þess að hugsa.

Mig langar að taka það fram að með þessari færslu er ég ekki að tala á móti samkynhneigðum, skartgripasmiðum eða gospelkórum :) Bara svona hafa það á hreinu! Ég er að tala um hugan minn (og kannski einhverra annara) hversu samdauna heiminum maður er og hversu grunnar hugsanir manns geta verið.

Ég sem sagt sá þennan miða og þar er fullt af regnbogum og ég fór að hugsa um samkynhneigða! Eins og regnbogin tilheiri þeim! Eins og regnboginn sé eitthvað tákn fyrir þá!! Eins og þetta sé einhver sigur fyrir þá að regnboginn sé kominn á flöskur kókakóla... vááá ég var svo hissa á sjálfri mér og fattaði það innan mínútu hversu fáranlegar hugsanir mínar væru... Því að samkynhneigðir eiga ekkert í regnboganum og mér finnst sorglegt að maður hugsi um samkynhneigða þegar maður sér regnboga nú til dags en ekki Guð!

Hverjir hafa ekki upplifað það að þurfa að stoppa bílinn vegna regnbogans sem er fyrir framan mann, litirnir eru svo dýrlegir og maður verður bara að virða hann aðeins betur fyrir sér... þvílík dýrð, þvílíkt amazing fyrirbæri sem regnboginn er og þvílíkt LOFORÐ sem hann ber með sér... Guð sagði að hann gæfi okkur regnbogan til að minna okkur á það að hann væri að gefa okkur loforð fyrir því að hann ætlaði aldrei að tæma jörðina aftur eins og hann gerði í Nóaflóðinu. Þetta er sáttmáli við okkur frá Guði en ekki eitthvað sem samkynhneigðir eiga.

Annað dæmi sem er mjög þess vert að hugsa um er KROSSINN. (ekki söfnuðurinn heldur "skartgripurinn, skrautið, trúarbragðatákn") Ég set þetta þrennt allt inn í sviga því að ekkert af þessu var ástæða krossins í byrjun. Við vitum að ástæða krossins var fyrst þjáning... Jesús gekk með krosstréð þvert á milli handanna upp Golgata og er það í raun mjög táknrænt því að hann gekk með stóran mínus alla þessa leið og þvííílík þjáning! Hann kom á leiðarenda (göngu sinnar, ekki lífs síns forever) og þar var krosstréð fest við staurinn (æ ég veit að ég er ekki með svo fagmannlegt mál, veit ekki alveg hvað réttu orðin eru við þetta allt, en það er ekki það sem skiptir máli í þessari færslu) og myndaði þennan risa stóra plús (táknrænt). Þar hélt þjáningin heldur betur áfram og náði hámarki þegar Jesús tók á sig ALLAR syndir okkar og hann fann í fyrsta skiptið fyrir fjarlægð föður síns. Svo var hann lagður í gröf og reis svo upp á þriðja degi og lifir enn í dag... og til að minnast hans getum við horft á tóman krossinn! En fyrir marga er krossinn í raun ekkert meira en fallegt tákn sem skartgripasölum þykir gaman að móta og reyna að toppa hinn með fallegri hönnun. Upphaflega var þetta bara ódýrir og ljótir trjádrumbar, sem Jesús gerði dýrlega!

Svo eitt annað sem mig langar að nefna er gospeltónlist. Nú er mikið í tísku að stofna hina og þessa gospelkóra sem syngja um hitt og þetta. Vitið það að gospeltónlist er aldrei gospel nema hún flytji fagnaðarboðskapinn um Jesú Krist. Það er orðið annar svona hlutur sem fólk tengir ekki lengur við "uppruna" sinn. Gospeltónlist trúi ég að englarnir flytji því að gospel þýðir einfaldlega fagnaðarboðskapur og ég held að englarnir syngi Drottni lof daginn út og daginn inn og um þau mikilfenglegu verk sem hann hefur gert fyrir okkur. Gleymum því ekki að þegar við heyrum gospeltónlist að hún er miklu meira en fallegir gæsahúðartónar, hún segir okkur frábærar fréttir um möguleika á yndislegu lífi, segir okkur hvað Jesús elskar okkur óumræðilega mikið og þráir að við syngjum til hans og munum eftir HONUM þegar við lítum á sköpunina hans, hvort sem það er regnboginn eða eitthvað annað...

Þetta voru bara hugsanir mínar og ykkur er velkomið að vera ósammála eða sammála. Þetta allavegana fékk mig til að opna augun og reyna að sjá hvað Jesús sér en ekki við mennirnir!

Guð blessi ykkur daginn í dag.

Ykkar Ágústa Ósk

Yndislegur dagur

2007-11-11T03:41:00.000Z

Yfir 1000 manns hittust á sama stað og sama tíma í gær með aðeins eitt markmið í huga "láta ljósið lýsa skærar en myrkrið". Farið var frá Hallgrímskirkju. Fremstir í flokki voru hópur bifhjólamanna sem kalla sig "Trúboðarnir" og eru vissulega ljós inn í þann bransa á Íslandi í ljósi þess sem hefur verið mikið í fréttum undanfarið. Næst þar á eftir kom glæsileg lúðrasveit Hjálpræðishersins sem blés í horn og lúðra niður Skólavörðustíg með mikilli reisn og virðingu gamla sálma og eitthvað gott eyrnakonfekt fyrir okkur hin að njóta. Í beinu framhaldi af því komu skátar sem stolt báru fallega íslenska fánan okkar, sem er svo táknrænn fyrir Kristna þjóð með stóra rauða krossinn í miðjunni. Að lokum komum við hin syngjandi, fangandi og glöð yfir því að fá að vera í forréttinda hópi sem tilheyrir Ljósi þessa heims, sem steig niður í myrkrið til að frelsa okkur frá því og það ljós er auðvitað Jesús sjálfur ;).

Gengum við niður að Austurvelli syngjandi "Okkur vitni skal bera elska Guðs, elska Guðs. Okkur vitni skal bera elska Guðs". Þegar niður á Austurvöll var komið báðum við svo saman fyrir því myrkri sem grúfir yfir landinu okkar í svo mörgum myndum. T.d. má þar nefna eiturlyf, þunglyndi, einelti, fordóma, ofbeldi, sifjaspell, nauðganir, reiði, ofdrykkja og margt fleira. Við báðum að þetta myrkur mætti víkja fyrir ljósinu. Sá sem lokaði bænarstundinni sem var bæði kröftug og í mikilli einingu var Herrra Sigurbjörn Einarsson okkar kæri gamli biskup. Ég sjálf fékk tár í augun að sjá hann með gráa hárið sitt blaktandi í gjólunni, talandi í míkrófóninn með sinni veiku, blíðu en einbeittri röddu... vá þarna var ég að horfa á trúfastan Guðsmann sem hefur staðið margan storminn, ég ber mikla virðingu fyrir honum. Hann endaði svo sína einlægu og kröftugu bæn með því að leiða okkur í bæninni sem Drottin kenndi okkur "Faðir vor".

Stundin endaði þarna niðurfrá og fólk fór til sinna heima og kom svo aftur saman um kvöldið á stórtónleikum í Laugardalshöll þar sem var FRÍTT inn og hefur það víst ALDREI gerst í sögu tónlistardagskrár í Laugardalshöll. Þar voru fólk á öllum aldrei, krakkar hlaupandi um (ég persónulega skrifaði bara á handabakið á dóttur minni MAMMA og svo símanúmerið mitt (fékk þetta tipps hjá góðri vinkonu)) og nutu svo sannarlega samfélags hvort við annað. Unglingar sem hópuðust fyrir framan sviðið og hoppuðu og dönsuðu eins og gengur og gerist á tónleikum og voru þessir tónleikar svo sannarlega engin undantekning frá þeirri reglu ;) Svo kröftug var tónlistin og mikil gleði. Þarna voru fólk af minni kynslóð sem jú slógust í för með unglingunum í gleði og fögnuði og svo var hitt parentið að reyna að fylgja börnunum eftir hahaha. Svo var neðri stúkan nánast full af fólki á öllum aldri sem vildi sitja og einfaldlega bara njóta þessarar veislu sem borin var fram. Þessi stund var hreint út sagt YNDISLEG. Svo mikill kærleikur sem ríkti á meðal Kristinna systkina á staðnum... "Okkur vitni skal bera elska Guðs, elska Guðs. Okkur vitni skal bera elska Guðs". Þegar tónleikarnir voru formlega búnir var boðið fram til fyrirbænar og var hellingur sem fór fram og lét biðja fyrir sér og öðrum. Ég sjálf þurfti að fara heim, með mína dóttur og kall.

Ég er rosalega glöð með þennan dag í alla staði en eitt þótti mér þó pínu skrítið... Hvar voru fréttamennirnir á þessum tíma? Ekki það að Guð sé háður einhverjum öðrum, það voru til dæmis engir fréttamenn þannig lagað þegar Konungur Konunga fæddist í fjárhúsinu! Ég skil ekki að fréttatíminn þurfi allur að vera svona neikvæður... þarna var mjög jákvætt atvik að gerast og tel ég atvik sem er mjög mikilvægt fyrir þjóðina og það er eins og öllum sé sama... Hefði þetta ekki lífgað upp á fréttatímana að sína frá gleðigöngu sem var mjög glæsileg og minna á það að það er fólk sem þráir að sjá myrkur fara burt af þessu landi? Ég var pínu sár fyrir Guðs hönd, kannski svolítið asnalegt að segja þetta en svona líður mér. Sár yfir því að við köllum okkur kristna þjóð og svo þegar atburður á stærð við þetta gerist, þá tekur engin eftir og hefur engin áhuga... kannski af því að það var ekkert hneyksli í gangi, kannski af því að allt fór vel fram. En ég er samt viss um að Guð er ekkert sár, eins og ég sagði áðan þá er Hann engum öðrum háður. Guð er pottþétt mjög glaður yfir þessu átaki og vil ég nota tækifærið og þakka því fólki sem stóð fyrir þessu... FRÁBÆRLEGA VEL STAÐIÐ AÐ ÖLLU!!!!!

Takk fyrir mig...

Bænagangan...

2007-11-10T11:05:00.000Z

Bænargangan í dag og tími til að vakna til lífsins á þessu bloggi á degi Drottins hér á Íslandi...

Ég hef mjög miklar væntingar fyrir þessum degi og trúi því að Guð ætli að láta dýrð sína í ljós og láta blessanir sínar rigna yfir land og þjóð... Þetta er dagurinn sem Guð hefur valið til að láta ljós sitt (okkur fólkið hans) skína skærar en myrkrið en þetta er aðeins byrjunin, Ég trúi því að við erum að fara inn í rosalega spennandi tíma þar Guð mun opnbera sig sem aldrei fyrr!!!

Ég hef átt mjög furðulegt ár og að vissu leiti finnst mér ég hafa brugðist big time frammi fyrir Guði mínum á þessu ári, því hann setti mig í próf sem ég hef í raun ekki náð að standast þar til nú. Ég hef upplifað það að vera ekki eins sterk og mikið ljós og eins og hann skapaði mig til að vera fyrir þennan heim. EN ég ætla ekki að dvelja í því lengur því að Guð hefur fyrirgefið mér og þetta ár er í raun enginn tími miðað við þau ár sem ég á eftir hér á jörð svo ég tali nú ekki um eilífðina.

Þannig er mál með vexti að ég greindist með ólæknandi baksjúkdóm fyrir rúmu ári síðan og hef látið það draga mig svakalega niður og hugur minn hefur verið frekar fastur á þessum veikleika... Þegar fólk hefur spurt mig hvernig mér líður þá hef ég alltaf sagt hvernig mér líður í bakinu því að það var það sem átti minn hug allan. En ég held að það hafi ekki verið viturlegt af mér að einbeita mér svona rosalega mikið að því að vera í sársauka alla daga og allan daginn (sem ég er og enn í) heldur frekar að einbeita mér að því að vera þá allavegana heilbrigð í sálinni og hjartanu sem ég var alls ekki EN ÉG ER Í DAG. Allt í einu áttaði ég mig á því að hætta að einbeita mér svona að því hvað er að gerast líkamlega og frekar leifa Guði að komast að í hjartanu mínu og gefa honum tíma og vááá hvað hefur margt breyst... Mér líður yndislega, ég er hamingjusöm, ég elska það að vakna á morgnanna og ég hlakka til að taka þátt í því sem er að fara að gerast og er að gerast. Jú ég finn enn mikið til í bakinu en ég er viss um að Guð muni lækna það þegar rétti tíminn kemur!!! Þegar fólk spyr mig núna hvernig mér líður þá svara ég frá hjartanu en ekki bakinu ;) ég svara hvernig mér líður andlega og ég meina það... þegar það er allt í lagi á milli míns og skaparans míns þá er lífið mitt svo allt annað... Þetta er ekki ímyndun í mér!!! Ég meira að segja horfi öðruvísi á fólk, finn einhvern spes kærleika til þess, ég hef tilgang til að vera hérna, ég er í mission, vá svo spennandi! Ég þrái að allir fái að upplifa þetta, þetta er svo sannarlega LÍF Í FULLRI GNÆGÐ!

Megi Guð blessa þennan dag svo um munar fyrir Ísland og ef þú lesandi góður átt ekki þetta samfélag við Jesú... Þá get ég aðeins sagt við þig: Gefðu honum tækifæri... Viltu svara nokkrum spurningum í huganum fyrir mig?

Finnst þér lífið tilgangaslaust? Já Nei

Er langt síðan þú upplifðir SANNA hamingju? Já Nei

Þegar þú finnur gleði, staldrar hún þá stutt við? Já Nei

Er gleðin þá bundin við einhver atburð eða hlut sem þú heldur að muni gefa þér varanlega hamingju en svo kemstu að því að hann gerir það ekki? Já Nei

Ef þú hefur svarað þessum spurningum játandi þá er svarið fyrir þig að þú þarfnast Guðs því að tilgangurinn sem hann hefur fyrir þitt líf er ekki tilgangslaust og innantómt, gleðin er ekki bundin við hluti eða atburði heldur samfélagið við hann. Nú finnst þetta þetta kannski svolítið flókið og mikið vesen því að þér finnst kannski eins og Þú mundir aldrei heyra í Guði og kunna að vera með honum en þetta er einfaldara en það því að þú þarft aðeins að taka eitt skref og hann hleypur á móti þér (eins og pabbinn í týnda syninum) Gefðu Guð tækifæri, gefstu upp frammi fyrir honum! Hann mun fylla hjartað þitt af von og kærleika...

Ástæðan fyrir því að ég spyr þessara spurninga er að mér er búið að líða svona seinast ár og ég gat svarað þessum spurningum öllum játandi á þeim tíma og ég held að ég hafi aldrei verið í eins "svörtu myrkri" og þá... Ákvað ég að taka þetta eina skref og gefast upp og viti menn líf mitt hefur tekið hröðum breytingum undanfarið.

Ég læt þetta gott heita í bili og ætla að taka þátt í Bænagöngunni í dag með milli von um að Guð fái að taka sér bólstað í fullt fullt fullt af hjörtum!!! Í JESÚ NAFNI...

Kærleikskveðja og gott að vera komin aftur...

Ykkar Ágústa Ósk

2007-05-29T16:59:00.000Z

Halló vinir og vandamenn...

Ég ætla að prufa að færa mig um set í smá stund... ég er ekki viss um að þessu flutningur verði varanlegur en ég ætla að láta á þetta reyna... slóðin er...

http://agustaosk.blog.is/blog/agustaosk/

Endilega kíkið og verið virkir þátttakendur...

Ykkar
Ágústa Ósk

heibbs...

2007-05-22T17:12:00.000Z

Það er búið að vera svo yndislega mikið að gera hjá mér og ég elska það, og ég elska allt sem ég er að gera! ooo svo frábært... Í dag fór ég í ræktina og fór svo í pottinn sem er svo sem ekkert sérstaklega frásögu færandi nema það að ég ELSKA þetta dásamlega land sem ég bý á... vá maður, ég fór út í í sólskini, stuttu eftir að ég kom ofan í þá kom svo ROSALEGT haglél og strákar sem eru líkelega í 10unda bekk (með testasterónið á fullu flæðandi út um allt og var ég mest hrædd um að ég fengi vægan skammt af því bara með því að liggja í sama pott og þeir... og þvílíkt var fyndið að vera með lokuð augun og þykjast ekki vera að fylgjast með en hlusta á þá... úfff) voru í skólasundi en voru svo miklir töffarar fóru í keppni hverjir gætu verið lengst upp á bakkanum í haglélinu. Töffaraskapurinn fór nú heldur betur þegar sundkennarinn kom og skammaði þá fyrir að hlaupa á bakkanum og rak tvo upp úr af því að þeir voru að leika með bolta!!! Þeir áttu bara að vita það að þeir mættu ekki leika sér með bolta, eitthvað frekar skrítið... En já nóg um unglingsstráka... og áfram með veðrið, það sem sagt kom sól eftir haglélið, svo kom svo rooosaleg ský og grenjandi rigning... jiiimiinn... ég var að hugsa um hvort ég ætti kannski bara að koma mér upp úr, en ég átti stefnumót og ætlaði að hitta gelluna kl 12, svo að ég beið eftir Maríu... hún kom og þá fór sólin að skýna... svooo skrítið þetta dásamlega land... maður veit aldrei við hverju er að búast... En við María áttum góðan tíma í pottinum að tala um söngdýfur á meðan við mökuðum á okkur brúnkunni, því að við erum líka í brúnkukeppni ;)

Svo fór ég til ömmu minnar og hún er alltaf jafn yndisleg. Hún var að segja mér að þegar hún handleggsbrotnaði um daginn þá hafði afi séð hana gráta í FYRSTA skiptið á ævinni!!! ÉG átti ekki til orð (dramdrottningin sem græt stundum freeekar mikið) og spurði hana, hvort hún hafi í alvörunni ekki grátið fyrir framan afa fyrr og hún sagðist bara aldrei gráta, nema hún fellur stundum tár þegar hún er að velta fyrir sér hvort hún sé nógu góður lærisveinn Jesú og þegar henni finnst hún ekki hafa staðið sig þá fyllast augun hennar af tárum! Ég óska þess að ég eigi svona ævi... að mitt takmark sé himinninn... sem það og er... en að hafa átt svona ævi... ég dáist að ömmu minni og hún er mér svo mikil fyrirmynd í mörgu...

En lífið er gott, mikið að gera í tónlistinni og fyrir ykkur sem hafið áhuga þá er WE WILL ROCK YOU sjóvið á fimmtudaginn kl 20:00 og munu við María vera áberandi það kvöld... svo endilega látið sjá ykkur niðrí FÍH á fimmtudaginn 24. mai kostar 1000 kall inn...

Síjú...

SNILLINGUR!!!

2007-04-07T01:23:00.000Z

Addý: "Mamma, er ég algjör drullupollur"?

(Meinti rugludallur)

SVO SÆTT...

Elsku mamma mín (sem drullupollurinn er skýrður í höfuð á ;) ) Til hamingju með hálfrar aldar afmælið... ég elska þig!

Lindin í kvöld...

2007-03-08T15:38:00.000Z

hæhæ..

Já Hreidís það er kannski komin tími á nýtt blogg.. en ég hef engan tíma núna ;)

Danmörk var GEGGJUÐ og ég hitti æðislegt fólk sem ég hlakka til að vinna með næstu 3 árin...

Ef þið hafið áhuga þá verð ég í beinni útsendingu á Lindinni í kvöld 8. mars klukkan 20:30 til 21:00. Verð í viðtali og syng tvö lög í beinni útsendinu... mjög gaman... hlakka til.

Heyrumst og Guð blessi ykkur...

Ágústa

geggjaðir tónleikar

2007-02-23T21:47:00.000Z

Þá er sýningin búin og það gekk rosalega vel, hvernig sem á málið er litið... tónlistin var frábær, kórinn skemmtilegur, einsöngvarar frábærir.. og þar eru ég og María meðtaldar að sjálfsögðu.. við fórum á kostum (þó ég segi sjálf frá)... ég ætla að skilja eftir tvær myndir af mér sem KILLER QUEEN...

Það er ekki laust við að það sé töluverð áreynsla í gangi og miiiikill fílingur skal ég segja ykkur!

Á sunnudaginn fer ég til Danmerkur og er að fara að hefja þar 3 ára kennaranám í söngtækninni sem hefur verið að gera kraftaverk fyrir röddina mína síðasta árið... Complete vocal technique heitir sú tækni og hlakka ég ekkert smá til að mennta mig í þeim fræðum og hjálpa öðrum... hú-hú... love it!!! Ég verð fram á föstudag og kem þá aftur í 6 vikur og fer svo aftur úr í 5 daga og svo framvegis... þetta verður yndislegt!

Jæja.. heyrumst brátt og fyrir ykkur sem misstuð af sýningunni þá verður önnur eftir páska! GEGGJAÐ STÖFF!!!

KILLER KVEÐJA......... Ágústa Ósk

WE WILL ROCK YOU...

2007-02-19T23:08:00.000Z

JJJJJÆJA nú er komið að því...

Á fimmtudaginn verður sýndur söngleikurinn We will rock you... eða frekar svona konsert útfærsla af söngleiknum sem er byggður á lögum eftir QUEEN... Ég er eitt aðalhlutverkið, mun leika Killer Queen sem er vond kona! hahahahhah... Og svo er María sem er í gospelkórnum með mér aðalhlutverkið... jeiii... gaaaaman... Þetta verður alveg svaaaakalega gaman og ég hlakka alveg svaka til... svo að þið ykkar sem getið komið, verið svo hjartanlega velkomin... hér læt ég beisik upplýsingar...

Staður: Tónlistarskóli FÍH

Kostar: EKKERT

Kl: 20:00

Hvenær: Fimmtudaginn 22. febrúar

Hlakka til að sjá ykkur...

Love Ágú

Gefumst ekki upp!!!

2007-01-14T21:30:00.000Z

Vá ég er búin að vera að hugsa svo mikið undanfarið út í það sem manni langar í þessu lífi.... hverjir eru draumar mínir??? Að hverju stefni ég??? Þarf ég að leggja á mig til að ná þangað??? Þarf ég að þola það að detta og meiða mig??? Reka mig á og að rekist verði í mig???
Ég var úti með Addý fyrir ári síðan og tók þessar myndir, ég hugsaði "ég á eftir að nota þetta einhverntíman" og núna er ég búin að vera í þessum hugleiðingum og mundi eftir myndunum sem ég tók...

Þarna er Addý og henni langar að fara í rennibrautina sem er hinum megin við þessa SKERÝ brú (hún er þokkalega skerí fyrir tveggja ára) og hún er greinilega að hugsa sig um hvað hún eigi að gera. Þetta er trikkí, ég meina fer niður, upp, niður aftur og svo aftur upp... hún gæti dottið... þetta verður pottþétt erfitt... hún þarf að einbeita sér... hún þarf að beina sjónum að endanum og láta vaða...
Ég hef upplifað það mikið undanfarið að ég er pínu að hugsa minn gang í sambandi við söngkonu og söngkennara starf í framtíðinni... ég fékk stóra mótbáru (að mér fannst að minnsta kosti) (nokkrar greinar niður og þá veistu hvað ég er að tala um) og ég stóð sjálfa mig að því að vega og meta hversu mikið mig langaði að fara yfir brúnna til að renna mér ;) Hvort ég vildi fara þessa erfiðu leið. Leiðin sem ég þarf að fara er bæði upp og niður og það oft... ég mun fá góð komment og slæm á leiðinni... Þetta er hörku púl að sækja sér þessa menntun (samt mjöög skemmtileg líka) og þetta er harður bransi...

Þarna dettur Addý, en hún stendur upp og heldur ótrauð áfram... Það er líka það sem ég hef brennt mig á, það má ekki staldra of lengi við þegar maður misstígur sig... Það er bara málið að rífa sig upp úr þessu og halda áfram á sömu brautinni...... sem liggur að markinu, eða í hennar tilfelli rennibrautinni ;) Ekki sitja á bossanum fara að gráta og vorkenna sér og jafnvel gefast upp... Ég hef fundið fyrir því í skólanum (FÍH) að það var eitt fag sem var að fara með mig! ÉG skildi þetta bara ekki og fannst þetta svoooo erfitt, mikið að læra og ég hélt að ég myndi aldrei ná þessu. Ég settist niður og lærði og lærði og lærði ÉG ÆTLAÐI AÐ SKILJA ÞETTA... og nú í dag er þetta ekki steinn í götu minni, ég eeelska þetta fag!!! Ég reif mig upp eins og Addý er að gera...

Hún er komin á svaka ferð hérna... tekur nánast á loft ;) og lætur engan bilbug á sér finna (hvað þýðir þetta, ég meina það, hvað er bilbugur???) Svo er hún á leið down aftur, en svona einmitt upplifi ég þetta... maður er komin á flug í einhverri uppsveiflu og þá er eins og maður sé testaður... vill maður þetta nógu mikið??? eða gefstu upp??? þorir þú í aðra sveiflu???

Mér fannst þessi mynd svo frábær þess vegna hafði ég hana svona stóra... sjáið þið að Addý er komin á leiðarenda yfir brúna og sjáið hvert hún horfir??? Hún er svo einbeitt að lokatakmarkinu!!! Hún beinir sjónum sínum að rennibrautinni því að þangað ætlar hún, þess vegna fór hún þessa löngu göngu, yfir þessar hindranir og nú prílar hún upp þá seinustu!!!

Beinum sjónum okkar að því sem skiptir máli... beinum sjónum okkar að draumunum okkar... Í Biblíunni, Galatabréfinu 6.9 stendur "Þreytist ekki að gjöra það sem er gott, því á sínum tíma munið þér uppskera EF ÞÉR gefist ekki upp"

Hverjir eru okkar draumar? Að hverju stefnir þú??? Ertu að gefast upp??? Taktu þér tíma á bossanum og rifjaðu upp takmarkið (rennibrautarferðina) og rífðu þig upp...

Hvert stefnir þú og hverjir eru þínir draumar Fríða? Bryndís? Alda? Sæmundur? Ingvar? Tóti? Álfheiður? María? Erla? Ásta í Kristskirkjunni? Jóhann (jassi)? Alli? Pétur (san fran) Vildís? Bogga? Kolbrún? og fleiri og fleiri...

Var að keyra um dagin og heyrði þennan texta... breyttu Love í það sem draumur þinn er (ég meina kannski er það love, hvað veit ég) og þá er þetta alveg brilljant boðskapur... ÞAÐ ER ENGIN AUÐVELD LEIÐ AÐ ÞVÍ SEM VIÐ ÞRÁUM!!!
"When you want it the most theres no easy way out
When youre ready to go and your hearts left in doubt
Dont give up on your faith
Love comes to those who believe it
And thats the way it is"

Gefumst ekki upp!!!!!!!!!!

Ykkar Ágústa

5 ár...

2007-01-12T14:57:00.000Z

Jájájájá... Það sögðum við fyrir nákvæmlega 5 árum síðan!

TIl hamingju með daginn elsku Ingvarinn minn... þú ert hetja að hafa þraukað öll 5 árin með mér... þú ert frábær eiginmaður og ég elska þig ofur heitt!!! Hlakka til næstu 5 ára ;) og þar næstu og þar þar næstu.......................

Þín Ágústa

Loksins myndirnar...

2007-01-10T14:32:00.000Z

Jæja þá er myndaforritið komið í lag og ætla ég því að setja myndir af krökkunum mínum hérna inn...

Aron Elí á leiðinni í afmæli. Hann er orðinn 8 ára snáðinn og æfir fótbolta á fullu, auk þess sem hann er í batminton. Fluglæs og mjög klár í stærðfræði og stafsetningu ;) (eitthvað sem ég var ekki) Hann er yndislegur og svo hjartahlýr...

Svo kemur skottan mín hún Arnheiður Ósk. Hún er 3 og hálfs árs og það er alltaf gaman hjá henni. Mjög hress og einstaklega skemmtileg stelpa... til í allt og þorir öllu ;) Okkur langar að setja hana í ballet því að henni langar að dasa í bleikum kjól, sem by the way er uppáhalds liturinn hennar og Solla stirða er hennar uppáhald líka (enda svaka bleik gella sú). Hún lítur svakalega upp til bróður síns og elskar félagskap... hahahha þetta er orðið eins og dálkur fyrir þau tvö í einkamála-auglýsingum... jiiii...

Ég var að hugsa að mér langar svo að halda dagbók... það er svo margt sem gerist á hverjum degi og alls konar tilfinningar, maður er oft að lenda í svipuðum aðstæðum og maður getur þá lært eitthvað af þeim fyrri ef maður getur flett því upp hvernig maður höndlaði það seinast... svo er líka bara svo gaman að geta litið til baka, til þessa tíma á meðan börnin eru svona lítil og rifjað upp... já ég held að ég geri það bara... fari út í bókabúð og kaupi mér dagbók... ahahhaha hef ekki skrifað dagbók frá því árið '95, enda er líka mjög gaman að kíkja á hvað maður var að gera fyrir ákkurat 12 árum síðan...

Jæja eigið góðan dag... og Sæmundur takk fyrir gríðarlega skemmtilegt og hressandi komment í færslunni hér að framan... Snerti mig djúpt ;)

Ykkar Ágú

Hvernig á að bregðast við svona?

2007-01-08T22:55:00.000Z

Góðan og blessaðan daginn...

Ég var að vafra um netið og rakst á þessa grein hjá einum sem kom á tónleikana hjá Sálinni og Gospel... það var ekki laust við að mér hafi brugðið, endilega lesið og þið sem fílið mig ekki persónulega eða sönglega eigið eftir að skemmta ykkur vel ;)

"Sýningin hófst á því að Gospelkór Reykjavíkur flutti lagið Amazing Graze undir forustu einsöngvara sem heitir víst Ágústa Ósk Óskarsdóttir. Við Pálína erum nú ekki miklir sérfræðingar í Gospelsöng, en við vorum hvoru öðru sammála um að þessi flutningur væri svo slæmur að okkur liði hálf illa og vorum að hugsa um að fara bara strax. Okkur var svo tjáð að lögin sem Gospel kórinn ætlaði að flytja á bjagaðri ensku væru nú ekki nema tvö til viðbótar áður en Sálin stígi á svið svo við ákváðum að þrauka, en máttum hafa töluvert fyrir því að grípa ekki til vopna og enda þenna harmleik eftir pínlegan flutning á Lean on me og O happy Day.
Loks steig Stefán Hilmarsson á sviðið ásamt fríðu föruneyti. Mér þykir Stebbi Hilmars frábær söngvari og mikil fagmaður og hann sannaði það að minnsta kosti fyrir mitt leyti um leið og hann andaði í hljóðneman að þessi svokallaði kór átti ekkert heima á sviðinu með karlinum." (http://www.andmenning.com/)

Eins gott að hafa þettta innnan gæsalappa því að þessi kæri maður á sannarlega einkarétt á þessum skrifum og ekki ætla ég að vera kærð fyrir ritstuld auk þess sem ég syng svona pínlega...

Jájá... allavegana er ég fegin að það hafi ekki allir sömu skoðun (ég viðurkenni það alveg að það væri hræææðilegt að allir hefðu þessa skoðun að minnsta kosti) og er ég enn þakklátari fyrir ykkur sem hafið verið svo kær að tjá ykkur við mig í tali og skrifum... hahahhahaha

En hey... það var nú talað sérstaklega um það í þessu námi sem ég hef verið í að það muni ekki allir fíla mann og maður þarf að læra að láta það ekki á sig fá og kannski meira en það... maður þarf kannski bara að læra að virða það líka... Ég meina, hvernig getur maður vaxið (hvort sem það er í söng eða einhverju öðru) ef maður fær ekki gagnrýni ;)

Ég viðurkenni það alveg að ég skrifa um þetta því að ég veit ekki alveg hvernig á að höndla svona (hef ekki lennt í því áður og þetta er pottþétt ekki í síðasta skiptið) en ef ég myndi ekki skrifa um þetta eða koma þessu á einhvern hátt frá mér þá myndi þetta byrja að naga mig að innan (I know myself) svo að ég ákvað bara að skyrpa þessu út hrrrrr-tuppp þá er það farið ;) og ég mun bara vinna enn harðara að því að bæta mig...

Love from me to you all... (you to Kristinn ;) )

Sálin og gospel... gleðileg jól og gleðilegt ár!

2006-12-30T14:01:00.000Z

Gleðileg jól elsku þið...

Mynda forritið í tölvunni minni er eitthvað mis þessa dagana svo að ég hef ekki náð að setja neinar myndir af fallegu börnunum mínum eins og ég ætlaði mér... en vonandi fer þetta að lagast ;)

Það eru þrusutónleikar í kvöld með sálinni og gospel og vitiði hvað... ég á að syngja sóló í fyrsta laginu :) veiii ég hlakka ekkert smá til... við kórinn munum sem sagt syngja 3 gospel lög til að byrja með... munum taka amazing grais (sem ég syng sem sagt ein í ) svo tökum við lean on me (sem Edgar fer á kostum í) og svo í lokin af þessari gospelsveiflu tökum við o happy day... já þetta verður svaka gaman... hlakka til!! hey... 2700 manns ;)

Ég ætla að fara að hafa mig eitthvað til... er að fara á æfingu fyrir herlegheitin... heyrumst betur seinna...

Gleðilegt ár og vonandi verður árið 2007 yndislegt!!!
Mamma og pabbi, sæmundur með börnin sín yndislegu og siggi þór munu koma til okkar í mat á gamlárskvöld... ofninn hjá mömmu og pabba sagði "hingað og ekki lengra, annars tek ég rafmagnið af íbúðinni ykkar" á aðfangadagskvöld og það gerði hann nokkrum sinnum, þar til þau tóku mark á hótuninni ... Þetta verður GAMAN!!!!

Love from me to you...
Ágústa Ósk Óskarsdóttir (formleg í þessu bara ;) )

jóla jóla jóla...

2006-12-14T22:52:00.000Z

Nokkrir dagar í jólin.. hvernig finnst ykkur á það???
Mér persónulega finnst það yndislegt, í raun allt sem tengist jólunum er yndislegt... Allt í einu finnst öllum ekkert mál að tala um Jesú og syngja um hann, elska jólaljósin, finnst svo gaman að gefa í skóin og börnin mín vita alveg að ég gefi en ekki einhver jólasveinn... persónulega hef ég aldrei haft áhuga á að ljúga af börnunum mínum ;) Kertaljós, jólasöngvar, bros á vör, jólahlaðborðin, jólatónleikar, jólafrí, jólatré, jólagjafir, vera mikið með fjölskyldu og vinum og fleira og fleira.

Merkilegt hvað tvær mandarínur geta glatt bara af því að þær voru í skónum, Aron Elí var himinlifandi. Það þarf ekki mikið og ekki dýrt til að gleðja börnin, bara að gefa við öðruvísi aðstæður... Svo var svo fyndið, ég gaf þeim sitthvora baðbombuna og Aron Elí tók þetta úr skónum og bara "hvað er þetta?" ég sagði "Baðbomba" þá horfði hann á mig og sagði "hef ég eitthvað við þetta að gera"???? hahahaha ég sagði honum frá freyðibaðinu og hvað það yrði góð lykt.. og já strákurinn var svona ánægður með þetta... æææ svo gaman. Stelpan er ánægð með þetta allt, bara svo spennandi að fá gjöf á hverjum degi ;)

Jæja best að fara ð skrifa jólakort... ég eeelska jólakort... í fyrra voru fyrstu jólin ever sem ég skrifa engin jólakort og það fannst mér miður skemmtilegt og þar af leiðandi var ekki eins gaman að lesa jólakortin sem maður fékk, af því að ég gladdi engan með þessum hætti. En nú verður það ekki svoleiðis, ég ælta að skrifa jólakort, en kannski fæ ég engin af því að ég sendi engin í fyrra, en það er þá bara allt í lagi, þá verð ég bara að hlakka til næstu jóla! annars hef ég ekki haft þann háttinn á, ég hef ekki bara sent þeim sem senda mér og ef ég missi út eitt ár frá einhverjum þá er það í lagi maður. Ég skrifa þessi kort af því að mig langar að gleðja einhvern NÚNA þessi jól, þýðir að ég er að hugsa til þess aðila, ekki bara af því að ég ÞARF þess...

En jæja komið gott... heyrumst elsku vinir.

Kær kveðja Ágústa Ósk

Köben beibí...

2006-11-25T22:55:00.000Z

Bara rétt að segja að eftir 7 klukkutíma verð ég að fljúga til Köben ;)

ég er sem sagt að fara að halda tónleika í JAZZHOUSE Í KÖBEN með valinkunnu liði... m.a. Rannveig Kára, Regína ósk, Friðrik Ómar, Heiða í Idol, Páll Óskar, helga Möller, Sigga Beinteins, Matti í pöpunum og fleeiiiiri... Þetta verður gaman og ætla ég að taka Kirk Franklin lagið "Hold me now" hlakka til...

Megi Guð blessa flutninginn minn og snerta við hjörtum fólksins...

Love...

Ágústa Ósk

Killer Queen

2006-11-03T23:54:00.000Z

Hæhæ...

Ég horfði á svolítið athyglisvert brot um daginn, úr Kastljósi. Var þetta brot um hvort seinþroska fólk ætti að fá að eignast barn og viðtal við freeekar krúttlega svona foreldra... Ég verð að segja að ég held að þetta fólk leggi sig bara mun meira fram heldur en t.d. ríkt fólk sem kaupir krakkana sína og lætur þau alast upp á tölvuleikjum og skóladagheimilum... Það er margt ábótavant hjá þessum þroskahömluðu en þau þiggja aðstoð og segi ég bara gott hjá þeim! Ég legg til að við sem trúum á bænina, biðjum fyrir þessum litla strák. Að hann verði ekki fyrir aðkasti vegna foreldra sinna.... það er það eina sem ég hef í maganum út af!

Veit ekki af hverju ég þurfti að tjá mig aðeins um þetta mál, það hefur verið í hausnum á mér síðan ég sá þetta!

Ég fékk eitt aðalhlutverkið í Rock-söngleik sem verður settur upp í skólanum mínum (FÍH). Það eru sem sagt 3 aðalhlutverk og er ég það þriðja... þetta er geggjað hlutverk. ÉG verð sem sagt vonda konan sem kallast Killer Queen og byggist þetta á lögum með Queen... ég mun syngja 6 lög og eru öll þessi lög alveg svakalega skemmtileg... Killer Queen, A kind og magic, Play the game, Don't stop me now, Another one bites the dust og rock kaflan í Bohemian Rhapsody!!! Síííís hvað þetta verður gaman. Ég mun sýna á mér algjöörlega nýja hlið hahahhaha þessi týpa er mikill groddi og syngur samkvæmt því... rífur röddina og syngur mjög rockað.. úúú gaman, nýtt tjallens fyrir mig og ég elska það... Þetta verður sýnt í lok janúar.

Guð blessi ykkur kæru vinir...

Ágú

hæ aftur...

2006-10-22T14:12:00.000Z

Komið nú sæl og blessuð (ef einhverjir eru hér enn)

Ég er búin að opna myspace síðu ef þið hafið áhuga á að kíkja þar inn slóðin er:

http://www.myspace.com/agustaosk

þar hef ég sett inn lítið demó af lagi sem var tekið upp með mér (á eftir að laga nokkra parta en það fær að dvelja þarna um sinn að minnsta kosti) og getið þið hlustað og endilega segið mér hvernig ykkur finnst...

hey... og ef einhver sem les þetta er með myspace og vill adda mér inn hjá sér þá endilega ekki hika... ég er pínu feimin við það núna en það hlýtur að koma ;) bráðum fer eg örugglega að adda fullt af fólki en enn er ég pínu hikandi (hrædd um höfnun líklega, jea eða eitthvað svoleiðis... en kannski er ekkert um svoleiðis á myspace... veit ekki, þetta er allt voðalega nýtt fyrir mér)

jæja það var þetta sem ég vildi segja í bili, kem kannski með færslu einn daginn, hef verið í skrítnu tímabili og alls ekki fundið mig í að blogga... ég er of opin stundum á þetta blogg og vildi ég ekki hætta mér inn á þær slóðir þessa dagana... nenni ekki að tjá mig um ástandið núna ;) en til að taka allan vafa og mögulegar sögusagnir á ég frábært hjónaband (og er það líklega það sem hefur haldið límingunum saman) frábæra stórfjölskyldu (og eiga þau svakalegan þátt í að hjálpa mér í gegnum þennan tíma) og yndisleg börn... þetta er það mikilvægasta í mínu lífi og vil ég ekki að spurningar um mig og okkar samband sé... mér er alveg sama um hinar sögurnar sem geta myndast... ahhahaha þær eru örugglega ekki sannar hvort sem er...

Jæja endilega kíkið á myspacið mitt, ég er mjög ánægð með það og vonandi verðið þið glöð að geta heyrt eitthvað sem ég er að gera... (álfheiður mín, þú þarna hinum megin á landinu átt örugglega eftir að njóta)

Sjáumst brátt...

Ágústa

¨Rockstar!!!!!

2006-09-13T02:23:00.000Z

Jahérna... klukkan er 2:19 að nóttu til og ég er að reyna að kjósa hann Magna okkar en ekkert gengur... kerfið er að springa!!!

En ég verð nú að segja það að sá sem mér fannst bestur í kvöld (nú verður bróðir minn hneikslaður en það er allt í lagi því að hann les held ég ekki síðuna mína ;) hahahaha) en já mér fannst Lukas bestur í kvöld.. vá ég hélt að ég myndi nú seinnt segja þetta en jú það kom... mér fannt hann mjög góður í kvöld... ég spyr mig hvernig mömmu átti hann?? sííís maður... hann þarf á þeim að halda. Magni kemur bara heim og faðmar fjölskylduna og veðrur enn heimsfrægur á Íslandi sem og auðvitað um allan heim...

Mér fannst Dilana geggjuð í Roxanne, ég er svo ánægð með hana að hafa trúað á sjálfa sig og það sem hún sá fyrir sér og æltaði að gera, hún fékk nú ekki fídbakkið frá hljómsveitinni en hún breytti ekki... þetta var rosalega flott!!!

Toby var líka fínn... ég man samt ekki mikið, en hann var ágætur!

Eitt sem ég er líka búin að komast að er að ég ætla ALDREI að kaupa KFC ojjjj hvað þetta eru hræðilega leiðinlegar auglýsingar...

Heyrumst...

Kv. Ágústa

Hitt og þetta...

2006-08-26T21:30:00.000Z

Hæhæhæ...

Langar að láta ykkur vita að miðasala er hafin til þess að koma á tónleika með Gospelkór Reykjavíkur og Sálinni hans Jóns míns sem verða þann 15. sept í Laugardalshöll! Þetta verða vægast sagt frábærir tónleikar með hugljúfum smellum frá Sálinni... Þið getið nálgast miða hér... http://www.midi.is/default.aspx?pageID=10&eventID=4508&uID=48

Svo er líka annað sem mig langar að minnast á og það er hann Magni sem er í rockstar þættinum... það er mega ódýrt að kjósa hann næst þegar það verður kosning (bara 19 kr smsið... flott átak hjá símafyrirtækjum Íslands ;) ) og legg ég til að við hendum öll 5 stykkjum á kallinn það er ekki nema tæpar 100 kr. Mér finnst hann búinn að standa sig rosalega vel og hefur komið mér ROSALEGA á óvart. Ekki vissi ég að drengurinn gæti sungið svona og líka karakterinn sem er að koma svona ágætlega út... ég er bara stolt af þessum strák ;)

Ég sjálf er að fara í Háskólan í næstu viku og veit ég nú ekki alveg hvernig það leggst í mig, veit í raun ekkert hvað ég er að fara út í :S En það kemur bara allt í ljós, ég geri mitt besta og svo verðum við bara að sjá.

Fer í söngskólan líka og það er eitthvað sem mig hlakkar svakalega til, rosalega hlakka ég til þess að fara að takast á við lögin mín og hitta snillinginn Kristjönu Stefáns kennaran minn og stúdera með henni... snilld!!!!

Ég er að skoða sjálfa mig mjög mikið þessa dagana og ekki er það það léttasta sem ég hef gert... ó nei. Ég er að skoða mig og hver ég er. Hver er ég ég ég? Og þá er ég ekki að spyrja hver er ég sem söngkona, móðir, dóttir, eiginkona eða svoleiðis heldur hver er ég í Guði.. ææææ kann ekki alveg að útskýra. Sko það hefur margt mótað mig en hver er ég áður en allt mótaði mig? Hvernig er mitt sjálfsmat, hvernig met ég mig? Jæja, ég get ekki alveg útskýrt það enda er ég frekar ringluð sjálf. Langar að gera gott, langar að vera á réttum stað, langar að uppfylla þarfir fólksins míns en hvernig er best að gera það???? Heyrðu, heyrumst síðar maður!!!

Bæbæ
Ágústa Ósk

Allt gott að frétta...

2006-07-26T15:33:00.000Z

Hola...

Já já þá er maður komin til Íslands eftir FRÁBÆRA ferð... Við (ég, Ingvar, Aron Elí og Addý) fórum sem sagt til Spánar með elskulegu foreldrum mínum og það var svo meiriháttar... svo seinni vikuna kom Sæmundur með krakkana sína og þá var kátt á hjalla... mikið svakalega var gaman að vera öll svona saman og kynnast betur... Krakkarnir voru alveg svakalega góð öll saman og við nutum okkar í botn. Við gerðum allt sem góðum ferðamönnum sæmir... fórum á ströndina, Addý og Birna Lind þurftu að tæma úr skónum ef það komu evö sandkorn ofaní en Aron Elí og Kjartan Ísak voru þvílíkt flottir í sjónum og gleymdu sér alveg. Fórum í tívolí og aþr skemmtu allir sér stórkoslega... Sundlaug, þar var hákarlaleikurinn vinsælastur duru-duru-duru-duru. Fórum í púl og þar var ég ekki að gera góða hluti Sæmundur og Ingvar fóru töluvert í púl svona seinnt á kvöldin eftir að allt var komið í ró. Fórum mikið út að borða næææs, búðir, sólbað, skoða okkur um og bara að njóta þess að vera til... ég er strax farin að hlakka til næstu ferðar ;) Takk fyrir ferðina allir sem voru með mér, þið voru bestu ferðafélagar ever... elska ykkur alveg rooosalega mikið.

Svo er það að frétta að ég fékk inngöngu inn í Háskóla Íslands og er stefnan tekin á ljósamóðurina (hlakka til að taka á móti börnunum ykkar í framtíðinni ;) og þarf ég að byrja á hjúkkunni. Guð ætlar að vera með mér í þessu og það er svo greinilegt miðað við hvernig í komst inn, Hann potaði mér einhvernveginn inn bakdyramegin hahahaha. Ég var búin að fá tvisvar neitun og eitthvað en ég er komin inn jeiiii, ég veit alls ekki hvernig Guð fór að þessu, en svona virkar hann einmitt, þegar allar dyr virðast lokaðar þá er hann með einn leinigang sem við sjáum ekki í fyrstu... snilld að tilheyra svona karakter, vóóó og ég er barnið hans.. forréttindi!!!

Kisan okkar er í smá heimsókn núna og verður hjá okkur í nótt... hún er alveg hrein dásamleg svo róleg og góð, um leið og hún er komin í fangið er hún farin að mala og svo mjög leikglöð... alveg yndisleg...

Gott í bili...

Kær kveðja Ágústa Ósk

Sumarið er dásamlegt!

2006-06-30T00:07:00.000Z

Rosalega er gaman að lifa svona á sumrin...

Sundferðir eru stór partur af okkar lífi núna... fara út á peysunni er einnig algengt þessa dagana... notum mikið nýju sólargluggatjöldin sem við keyptum okkur... þríhjólaferðir eru ótrúlega vinsælar... fá að vera aðeins úti í garði í fótbolta eftir að það er komin "týpískur" háttatími... sumarið er yndislegt...

Ég fór upp á Skaga að horfa á litla kallinn minn (sem er ekkert lítill lengur, nær mér yfir brjóstin og er að fara í 3 bekk) keppa... hann stóð sig eins og hetja og skoraði 4 mörk á mótinu auk þess sem hann var fyrirliðinn... hann er að brillera í þessu enda er boltinn með segulstál við fæturnar á honum og sama hvað við bönnum honum að vera með boltan inni þá gleymir hann sér alltaf og er kominn hérna á stofugólfið og er að sóla upp völlinn... Ég var líka að brillera sem socker-mom... díííí hvað þetta var gaman... með uppörvunarorðin og hvatningarhrópinn á línunni... með frasana á hreinu... keeemur, íann-íann, láttann vaða, flott þetta halda áfram svona (klapp-klapp-klapp) jaaaaaaaaááááá það var lagið, glæsilegt skot!!! (hopp, hendur upp í loft og klappað ákaft á meðan drengurinn fer í sín heljarstökk og dansar fagnaðardans) hann fagnar aldrei eins og kallar þetta "mismunandi fögn" hahahahah svo yndislegur!

Stelpan mín er líka að blómstra... elskar að vera svona mikið úti og fá að sofa svolítið frameftir... elskar að busla í sundinu og er að standa sig svo vel á öllum sviðum... Það kom kona til mín í sundi og sagði að þessi stelpa ætti eftir að ná langt í framtíðinni, svo ákveðin og einbeitt væri hún... já ég held það nú bara... ég var að syngja um daginn "You make me feel lika a natural woman" og svo var hún farin að blasta það sama "jú meik í fíl læka vúúúman" ahhahah svo fyndið og svo þegar ég var að fara í stigspróf þá var ég að æfa skala og hún er með dúrskalan alveg á hreinu upp og niður! jábbs... börnin mín eru einstök ;) ég veit að allar mömmu segja það og það er það frábærasta við það... öll börn eru einmitt einstök bara á sinn hátt!!!!!

Maðurinn minn er dásamlegur líka og allt það.. nenni ekki að tíunda það núna... hann er bara frábær...

Við erum að fara til Spánar á fimmtudaginn í næstu viku, við fjögur og svo mamma og pabbi minn (sem eru einmitt þau bestu í heimi líka ;) ) og ég hlakka alveg svakalega til... úúú þvílíkt næs!!!

Í lokin ætla ég að setja nýjar myndir af nýjasta meðliminum... njótið vel!

Kærleikskveðja til ykkar frá mér...

-Ágústa Ósk

2006-06-18T10:20:00.000Z

Jæja gott fólk... allt fínt að frétta??

Rosa fínt hérna megin. Það er búið að vera mikið að gera, var í söngnáminu mínu á mán-mið og það var hreint út sagt GEGT sííís maður... snilld!

Svo fór ég að kíkja á litlu kisuna okkar, ég ætla að setja nokkrar myndir af okkur saman hérna...

Kannski smá úr fókus en það sést í gegn hversu sæt hún er

hérna er hún búin að pissa á mig :/ það voru blendnar tilfinningar því að hún Kolla(ræktandinn) hafði sagt mér fyrir nokkrum mánuðum að ef litlum kettlingum líður vel hjá viðkomandi þá merkja þær sér manneskjuna með því að pissa á hana, svo að það var kærkomið ;) en samt svolítið ógeðlegt að finna heitt kattarhland renna á milli brjóstanna á manni... hahahhaha

Henni leið svo vel hjá mér að hún malaði og sleikti mig, svo baðaði hún fótunum í allar áttir sem merkir öryggi ;)

Þetta var svo yndislegt og hún algjört yndi... lá hjá mér í 1 og 1/2 tíma... geggjað... feldurinn eins og dúnn... hlakka til að fá hana Önnu Myrru heim!

Sjáumst ;)

Afmælisbörn dagsins

2006-06-15T22:26:00.000Z

Þeir eiga afmæli í dag
þeir eiga afmæli í dag
þeir eiga afmæli Ingvar og sæmundur
þeir eiga afmæli í dag!!!

Tveir af mínum laaaanguppáhalds mönnum eiga afmæli í dag.

Ingvar maðurinn minn sem hefur reynst mér svo rosalega vel. Hann hefur stutt mig í gegnum súrt og sætt... Ég get sagt það með góðri samvisku að ég er orðin betri manneskja bara á því að umgangast hann svona mikið... Frábær í alla staði, hlakka til að eiða ævinni með honum. Elska hann.

Sæmundur elskulegur bróðir minn. Einn sá yndislegasti sem ég þekki. Hefur reynt margt en stendur alltaf og stendur sig geggjað vel... ég er stolt af því að þekkja hann og vera svona tengd honum. ég vil meina það að ég eigi helling í honum og ég elska hann ofur heitt...

Ég er svo ánægð með þessa karlmenn í lífi mínu... reyndar eru nokkrir í viðbót sem eru alveg frábærir en ég ætla að tileinka þessa færslu þessum tveimur...

Ég elska ykkur!!!

Ykkar Ágústa

Lífið er gott!

2006-06-10T11:56:00.000Z

Góðan daginn...

Hvað segið þið gott? Ég segi allavegana allt gott... blessun á blessun ofan hér á bæ. Já Guð er svo sannarlega góður Guð. Það helsta í fréttum er það að búðin gegnur ROSALEGA vel og erum við að fíla okkur í þessu hlutverki, að þjóna viðskiptavininum þar til hann er geggggjað ánægður og erum við að sjá mikinn ávöxt af þessu.

Ég er nú á fullu að sækja um undanþágu til þess að geta stundað söngnámið mitt í FÍH á næsta ári. Ég er orðin 27 ára og því borgar Reykjavíkurborg ekki niður skólan minn svo að ég þurfti að sækja um undanþágu. Ég fékk svakalega góðar einkunnir í vor á III. stigs prófinu mínu, í tónfærði og hrynþjálfun. Og ég hef verið að fá geggjuð meðmæli hjá söngkennaranum mínum og Óskari svo að þetta er mjög jákvætt, vonandi er það bara Guðs vilji að ég verði þarna áfram næsta vetur... en ég segi VERÐI GUÐS VILJI... því að hann er sá besti fyrir okkur. (mont mont kafli búinn)

Já kemur smá mont kafli í viðbót...

Þetta er nýjasti fjölskyldumeðlimurinn... hún er 2 og 1/2 vikna og fáum við hana í ágúst heim... hún er hreinræktaður persi og er algjörlega yndisleg... við höfum verið að bíða eftir kettling síðan í febrúar og loksins sjáum við fyrir endan á þessari bið... takk elsku elsku Kolla mín, hún er fullkomin og við hlökkum alveg svakalega til og munum hugsa rosalega vel um hana ;) Love you!!! Endilega kíkið á fleiri myndir af litlunni okkar á http://gullkisi.com og systrum hennar. Þar getið þið líka lesið um karakter persana og fleira.. þetta eru alveg sérstök dýr!

Já lífið er gott!

Þetta er gott í bili... bið Guðs blessun yfir líf ykkar...

Ykkar Ágústa

EXTRA!!!

2006-05-24T16:38:00.000Z

Þetta var alveg hreint dásamleg helgi sem við vinkonurnar áttum saman... við sváfum mjööög mikið, borðuðum óóógeðslega gott (bæði skiptin á Greifanum og í bæði skiptin ostaveislu (5 tegundir af osti) með pepp og svepp) hlóum svaaaka mikið og slöppuðum af. Það sem bar af þessa helgi þegar ég hugsa til baka er allt sem heitir "extra effort". Guð svoleiðis dekraði við okkur stelpurnar... eitt dæmi: það var snjókoma, hálfgerð hríð þegar við stöllurnar gengum inn innganginn á sundlauginni á Akureyri og við sögðum við Guð " það væri yndislegt að fá sól í pottinum" og þegar við komum út þá var svona heiðskýr hringur á lofti og sólin steikti okkur í 1 klukkutíma og korter. Svo þegar við þurftum að fara upp úr þá var orðið kalt. Annað : við vorum að keyra frá Egilstöðum til Akureyrar og Alda bara hastaði á snjóinn og við vorum í æðislegu ferðaveðri allan tíman ;) þetta var bara allt svona. Annað : Gistihúseigandinn heyrði að við værum að fara á Greifan og þá var hann einmitt með samning við þau um að gestirnir hans fá 15% afslátt af mat þar....... sumir myndu segja að þetta væri allt saman tilviljun, en ég kýs að kalla þetta blessun (hversu barnalegt sem sumum finnst það) og að Guð vilju gefa okkur þetta extra.

Ef Guð konungurinn vill gefa okkur extra af hverju gerum við það þá ekki líka??? Bæði með Guð í huga og líka bara hvort annað??? Eitt dæmi frá þessari helgi, um hana Öldu mína... hún bjó um mig í gestaherberginu sínu og þegar ég kom upp í þá var heitur hitapoki undir sænginni minni, hann hafði hitað fótasvæðið dásamlega vel og ég kúrði með hann á fótunum á mér, þetta var OFUR NOTALEGT. Alda þurfti þetta ekki, en með þessu sýndi hún mér alveg gífurlega væntumþykju og ég fékk svo að finna það. Gerum meira af þessu (Alda er snillingur í þessu) við maka okkar, börnin okkar og náungan... eitthvað sem við þurfum ekki ennnnn það sýnir svo mikið hversu mikið okkur þykir vænt um viðkomandi... Guð þurfti ekki að gefa okkur sól í pottinum en með því að hann gerði það þá sýndi hann okkur hvað honum þykir vænt um okkur.. við vissum það alveg en þið skiljið... ég vissi alveg að Öldu þætti vænt um mig en með því að setja hitapokan þá sýndi hún mér það svo greinilega með verkunum. Iljum hvort öðru um hjartaræturnar, gefum þetta extra!!!

Endaði svo tíman hjá Öldu á að halda Volare kynningu hjá henni fyrir yndislegar konur. Við áttum frábæran tíma og þær fóru í fótabað og dekruðu svolítið við sig með frábærum vörum ;) Takk Álfheiður, Fanney, Kristín, Íris Lind og Bogga... þið voruð frábærar á minni fyrstu kynningu ;)

Takk Alda mín fyrir helgina... þetta var YNDISLEG afmælisgjöf!!!
Love you... Extra mikið!

Ágústa...

P.S.
Dóttir mín er á fullu að læra hvað fingurnir heita og var að koma til mín, hélt um löngutöng og spurði "er þetta langaamma" hahahahahha ein að muna bara part af nafninu... hahahahha varð að segja ykkur þetta

Akureyri beibí

2006-05-19T08:59:00.000Z

Jæja þá er komið að litlu dekurferðinni okkar Öldu... vá hvað við ætluðum að liggja í sólbaði og hafa það gott, en svo hringir Alda í mig í gær og sagði mér að fyrir austan væri jólasnjónum að kingja niður og versta veðrinu og stormi væri spáð á norðurlandi um helgina... ó vell. þá höfum við það bara gott inni! allavegana er það á tæru að við ætlum að hafa það gott og þá er fátt sem getur eiðilagt það skal ég segja ykkur... it's all in our mind!!!!

Sjáumst eftir helgina ;)

Sjáumst á eftir Alda ;)

gúúúd bæ...

Gleði, gleði, gleði!

2006-05-12T21:02:00.000Z

Góðan og blessaðan daginn...

Ég vil byrja á að þakka ykkur elsku vinir mínir fyrir hlýjar afmæliskveðjur... þið eruð ómetanleg og gefið lífinu lit... hvert og eitt ykkar!!!

Lífið er svo yndislegt, rosalega er mikill munur að hafa sumar og sól... ég elska þetta líferni. Við hjónin erum búin að vera núna í nýju vinnunni í tvær vikur, fyrir þá sem ekki vita erum við að taka við búðinni HIGH AND MIGHTY þið getið séð nánar um það í tveim færslum framar) og þetta gengur svo vel, við erum að fíla það svo mikið að vera svona mikið saman og við elskum að dekra við viðskiptavininna og gefa þeim 150% þjónustu...
Svo var ég að byrja að selja Volare snyrtivörur og ég er með svo góða tilfinningu fyrir því dæmi. Þetta eru snyrtivörur sem ertu ræktaðar úr aloe vera og fleiri jurtum úr Jórdandalnum í Ísrael og svo úr dauðahafinu (sem Jórdandalurinn liggur við)... Guð lofaði Ísraelsmönnum land sem myndi flæða í mjólk og hunangi og það gerði hann svo sannarlega... þetta eru meiriháttar vörur... mig langar að spyrja ykkur kæru vinir... mynduð þið vilja halda kósýkvöld heima hjá ykkur, þar sem ég kynni nokkrar vörur, býð ykkur í fótabað og hafa gaman saman??? endilega hafið þá samband við mig, annað hvort í síma 899-5886 eða á e-maili eða bara í kommenti hér á síðunni... það væri svo gaman að fá að hitta ykkur sem eruð að koma hér inn og lesa! :)

Ég er að fara í stigspróf í söng á mánudaginn og er búin að vera að æfa mig á fullu undanfarið og mér gengur svo vel... ég hlakka bara til að fara og spreyta mig á prófinu. Og svo annað í sambandi við söng... ég er að fara að syngja einsöng á samkomu á sunnudaginn 14. mai... mikið rosalega væri gaman að fá að hitta einhvern þar ;) Endilega kíkið þið á samkomu að Fossaleini 14 í Grafarvogi kl 20:00.

Ég ætla að segja þetta gott... þetta voru bara smá fréttir úr lífi mínu núna... hey... endilega hugsið þetta með kósýkvöldið.. langar ykkur ekki endilega að fá mig í heimsókn og nokkrar vinkonur í viðbót, kynnast frábærum vörum og njóta góðs af (það er alltaf gjöf fyrir gestgjafan ;) )

Guð blessi ykkur svooo ríkulega næstu daga...

Ykkar Ágústa Ósk

7. mai

2006-05-07T22:11:00.000Z

Fallegur dagur og hefur verið fallegur dagur síðan ég man eftir mér... Ég get bókað það að það verður gott veður... ég man ekki eftir einum einasta 7 mai án þess að það sé sól og mikið vor í lofti...ég elska þennan dag! Annað við þennan dag, hann minnir mig alltaf á að ég er orðinn einu ári eldri en ég var þann 6. mai og fyrir það er ég líka þakklát fyrir... enn eitt árið í heilbrigði, ást og umhyggju vina og vandamanna... ég elska þennan dag! Mamma mín og pabbi eignuðst að sjálfsögðu gullmola þann dag og held ég að þau séu þakklát hahhahah. Þennan dag gaf Guð mér, mér persónulega til þess að gleðjast, fá gjafir, fá hamingjuóskir já og bara athygli hahhahahaha. Þennan dag valdi Guð sérstaklega og skrifaði í bókina sína um að ég ætti að fæðast... magnað... mér þykir vænt um það. Ég á þennan dag nema ég veit um eina sem á hann með mér, annars hef ég ekki vitað um neinn annan sem á þennan dag... Guð blessi litlu vinkonu mína sem á hann með mér :) (hún er bara tveggja ára í dag) Munaði litlu að ég fengi Kísak í afmælisgjöf (sonur bróður míns) hann er algjör snillingur og eitt það fallegasta barn sem ég hef séð en hann fékk sinn eigin 9.mai.

Ég er búin að eiga yndislegan afmælisdag. Ég og Ingvar fórum á humarstaðinn á Stokkseyri í gær og keyrðum svo Frakka til Reykjavíkur (danskennara og höfund af dönsunum sem Solla Stirða í Lazy town litla sæta stelpan dansar) og við náðum að vitna svo mikið fyrir honum og hann spurði og spurði um okkar Jesú... svo gáfum við honum lofgjörðardiskinn okkar með Michael W Smith og biðjum núna bara fyrir að hann opni hjartað sitt fyrir Guði... Í Jesú nafni...

Ég svaf út í morgun (krakkarnir gistu hjá afa sínum og ömmu... takk elsku foreldrarnir mínir fyrir að passa fyrir okkur. Það gaf okkur svo mikið að geta bara verið svona tvö ein saman) fékk morgunmat í rúmið frá bóndanum... yndislegt. Svo lærði ég í tónfræði og labbaði svo yfir til mömmu og pabba, fórí sólbað og hafði það gott... ég fékk sparibuxur og bol frá mömmu og pabba, svo íþróttagalla frá bóndanum og frá krökkunum bol og veski... ekki amalegt það...

Fórum í afmæli til Bjarneyjar (hún átti afmæli 5 mai) og hittum þar yndislegt fólk, Vildísi og Eika, Benna og Björg það var gaman... svo enduðum við fjölsk. að fara á KFC að borða kjúlla... þar voru gígantískar rennibrautir fyrir krakkana og þau voru svo ánægð og glöð!

Sem sagt FRÁBÆR dagur og mikill friður...

Ég fékk líka frábæra afmælisgjöf frá Öldu minni... þau hjónin hringdu og sungu dúett fyrir mig (afmælissönginn) og Alda bauð mér til Akureyrar, bara við tvær að slappa af, sauma, prjóna, sund, (bikinivax... óóóó mæn) sofa út, borða, tala jájájá tala og tala saman... finna okkur stað fyrir Júróvísjon og bara að njóta þess að vera með hvorri annarri... hlakka til Alda mín og ég elska þig svo mikið!

Ég kveð í bili... enda góði dagurinn minn senn á enda og góður dagur framundan...
Kær kveðja Ágústa Ósk

Stjörnuspá???

2006-05-01T00:31:00.000Z

GÓÐAN DAGINNNNNN!

Já dagurinn í dag er góður dagur, því að við getum ákveðið það. Við getum líka ákveðið að dagurinn í dag verði ekki góður. Það sem hafur verið mér hugleikið undanfarið er hvað við höfum mikið að segja um hvernig dagarnir, kringumstæður og athafnir daglegs lífs ganga fyrir sig. Með jákvæðu hugarfari getum við horft á það sem kemur fyrir okkur sem tækifæri til að þroskast og verða sterkari persónur. En með neikvæðu hugarfari getum við verið gjörsamlega ónýt og jafnvel leiðst út í þunglyndi. Við höfum alveg svakalega mikið um það að segja...

Hvernig hugsum við... hugsum við að það gerist aldrei neitt gott fyrir mig?
- Börnin mín eru að vera veik (þó svo að þau gráti smá eða eru bara hreinlega óþekk, finnum við þá alltaf afsökun fyrir náungan og segjum að við höldum að börnin séu að verða veik???? og með því þá tölum við veikindi inn í líf barnanna okkar!)
- Hugsum við að ég verð að búast við því versta svo að ég verði ekki fyrir vonbrygðum?
- Þegar eitthvað slæmt gerist fyrir okkur... segjum við ,,Týpíst ég er aldrei heppin" eða ,, þetta er alveg dæmigert fyrir mig, það gerist aldrei neitt gott hjá mér"
og lengi mætti áfram telja.

Ég fer stundum inn í mjög neikvæðar hugsanir og finn ég rosalegan mun á mér við það... allt verður svo mikið erfiðara og það er svo svart framundan... En nú er ég á fullu að taka til í huganum mínum... hverju leifi ég að dvelja í huganum á mér??? Allavegana er ég að gera mitt besta til að hafa það jákvætt.

Við eigum svo sannarlega að búast við því besta úr lífinu
Við eigum að búast við því besta frá fólkinu í kringum okkur... ekki ætla því að það sé að gera okkur mein og tala illa um okkur... Ég á svo rosalega auðvelt með að gera fólki upp hugsanir og þá eru þær yfirleitt neikvæðar... ,, hann er örugglega að hugsa hvað ég sé léleg í þessu eða hinu" eða ,, hún vonar kannski að mér mistakist" eða eitthvað annað... pælum aðeins í því hvernig við búumst við að fólk hugsi um okkur, því að það er kjörið tækifæri til að byrja jákvæða ferlið... s.s. að ætla fólki ekki það neikvæða!

Svo eitt í lokin í sambandi að búast við að dagurinn verði góður og ekki vera að vænta þess að allt fari úr skorðum... þá myndi ég ráðleggja þeim sem lesa stjörnuspár að hætta því. Ég sá grein í Nýju lífi um konu sem er fíkill á stjörnuspá... hún lætur stjörnuspá stjórna lífinu sínu... en hvernig bregst hún við þegar hún fær svona setningar...
- Þetta er ekki þinn dagur og hugmyndirnar koma frá öðrum en þér (hún mun ekki einu sinni reyna að fá hugmyndir...)
- Útlit er fyrir ósamkomulag og jafnvel rifrildi á heimilinu. (við getum bókað ósætti... því að hún býst við því!)
- Mikil spenna er í loftinu og erfitt getur reynst að ná samkomulagi (hún býr til spennuna sjálf með því að vera búast við henni)
- Einhverjir erfiðleikar eru í ástarsambandi þar sem þér finnst ást þín ekki vera endurgoldin. Þú gerðir rétt í því að reyna eitthvað nýtt. (best að hætt með honum, næsti hlýtur að verða betri en þessi... stjörnurnar segja mér það, borgar sig ekkert að reyna að vinna í málunum)
- Grár hversdagsleikinn er heldur leiðinlegur um þessar mundir. (Hvernig væri að reyna að finna upp á einhverju skemmtilegu til að gera hversdagsleikan skemmtilegri, frekar en að sætta sig við að þetta af því að stjörnurnar segja að þetta sé bara svona)
-Einhver hefur í hyggju að komast fram fyrir þig á ákveðnum vettvangi og þú mátt hafa þig allan við að halda stöðu þinni. (einmitt það sem ég var að segja áðan... að gera öðrum upp hugsanir og neikvætt viðhorf... við getum bókað það að viðkomandi sem fær þessa stjörnuspá verður tortryggin við náungan)
-Þú gengur í gegnum erfitt tímabil í sambandi sem að venjulega er mjög gott. Nýjar hugmyndir koma fram síðari hluta dags. (best að vera vakandi fyrir því sem er venjulega gott en verður erfitt í dag... en verst að ég get ekki fengið nýjar hugmyndir þangað til seinni partinn... vonandi fer þetta ekki að ganga illa fyrir en í kvöld svo að ég geti gert eitthvað í málunum, því að ég er alveg geld þangað til!)

Tek það fram að þetta er alvöru stjörnuspá sem ég fann á netinu fyrir nokkur merki fyrir daginn í dag 1. mai... þetta er ekki eitthvað sem ég er að búa til... Mér finnst þetta persónulega ekki jákvætt...

ÉG hef ekki meira að segja nema Guð er góður og elskar okkur svo mikið og þráir að gefa okkur GÓÐAR gjafir og þráir að hjálpa okkur að snúa öllum málum upp í jákvætt og uppbyggilegt fyrir okkur.... BÚUMST VIÐ ÞVÍ!!!!!!!!!!!

Bestu kveðjur
Ágústa Ósk Óskarsdóttir

BREYTINGAR... JÁ TAKK!!!

2006-04-21T14:33:00.000Z

Eiginmaður: kæra eiginkona, mér finnst vera breytingar í aðsígi fyrir okkur.
Eiginkona: nú kæri bóndi minn, hvernig breytingar?
Eiginmaður: eigi veit ég það virðingarfyllst eiginkona, en andi minn segir mér það (heilagur andi).
Eiginkona: á hvaða sviði í lífi okkar verður það heldur þú, ástkæri eiginmaður minn?
Eiginmaður: bara algjör tremma breyting á lífshögum okkar, Guð ætlar að blessa okkur á einhvern hátt sem okkur grunar ekki!!!
Eiginkona: spennandi!!!

Jebb... þetta eru umræður sem áttu sér stað fyrir mánuði síðan hjá okkur hjónum og Ingvar hefur talað um þetta nokkrum sinnum síðan. Okkur grunaði að þetta væri vinnutengt en vissum ekki hverskonar umvending myndi eiga sér stað (og ég skal segja ykkur það nú þegar ég veit hvað það er að mig hefði ALDREI grunað þetta, við erum í skýjunum).

Málið er að við sögðum bæði upp í vinnunni okkar fyrir nokkru síðan og höfum verið að vinna uppsagnarfrestinn. Ingvar fékk strax aðra stöðu sem smiður en hann talaði alltaf um að líkaminn hans væri ekki alveg að meika þessa vinnu lengur því að þetta eru það langir vinnudagar að hann kemst aldrei í líkamsrækt til þess að styrkja líkaman svo að hann geti þessi líkamlegu erfiði... míkrenið hefur verið að koma næstum vikulega núna undanfarið og hann er búinn að vera að fá léleg laun og hrillilega mikið að gera fyrir utan vinnu en eiginlega enginn kraftur til að framkvæma það. T.d. skólinn, unglingastarfið sem Ingvar myndi ekki vilja gefa upp og svo auðvitað fjölskyldan. Ingvar sagði einnig um daginn að honum finndist eins og hann yrði ekki smiður í framtíðinni, hann ætlaði samt að klára námið því að það er gott að hafa þessi réttindi og þau opna margt annað. Einhverra hluta vegna (prédikun hjá Friðrik Schram) fékk Ingvar til að hugsa um þá drauma sem hann hefur átt um ævina og það voru nokkrir hlutir sem komu upp í huga hans og viti menn Guð hefur látið þann ólýklegasta rætast í dag, gott fólk!!!

Fyrir mína parta... þá hefur þetta verið rekar erfiður vetur... var að vinna á næturvöktum og líkaminn minn er orðinn mjööög veikburða þrátt fyrir ungan aldur og það, hann er bara að segja stopp. Ég á að losna um mánaðamótin (og Ingvar líka) en ég var búin að biðja um að fá að vinna út mai og júní (spurði áður en líkaminn gaf sig svona). Þetta hefur haft áhrif á allt í mínu lífi, hvort sem það er fjölskyldan, unglingastarfið, heimilisstörf, líkamsrækt og það allt. Ég talaði við vinnuveitandan minn í byrjun þessara mánaðar og spurði hvort mögulegt væri að ég gæti hætt þegar uppsagnafresturinn væri búinn og hún sagði að hún ætlaði að vita hvort einhver gæti tekið við stöðunni minni. Þegar mánuðurinn var hálfur liðinn og hún ekkert haft samband, þá sagði ég við Guð "ok Guð, ef hún finnur engan þá verður þú bara að gefa mér aukakraft til að meika þessa tvo mánuði í viðbót, en ég bið þig, getur þú fundið einhvern annan fyrir mig, því að ég trúi því bara ekki að það sé þinn vilji að ég útjaski líkamanum mínum meir". Kæru lesendur, klukkutíma seinna hringir yfirmaður minn og tilkynnir mér það að maður hefur verið fundinn og ég geti hætt um mánaðarmótin. Takk Jesús. Þá fer ég að hugsa að ég þarf helst vinnu í mai og júní, bara á morgnanna vegna þess að ég vil vera heima með börnunm mínum eftir hádegi. Ég hugsa að Guð hljóti að vera með eitthvað fyrir mig og ég gæti ekki ímyndað mér hvað það væri því að ég veit að þetta er ekki spennandi fyrir vinuveitanda að ráða manneskju bara í tvo mánuði, bara fyrir hádegi! En ég verð aldrei stressuð yfir þessu, því að ég er bara alveg viss um að Guð hafi eitthvað fyrir mig. (en ekki grunaði mér það sem varð!!!)

Jæja... nú fer forvitni ykkar og spennu að verða svalað því að nú kemur sagan af seinustu tveim dögum!

Ég og Addý fórum í heimsókn til Erlu Káradóttur og Önnu Birnu dóttur hennar og Kjartans pabba hennar (sem var svo góður við okkur stelpurnar, gaf okkur girnilegan skyrhræring og fínerí ;) Takk kærlega fyrir Kjartan minn hahahhahaha þetta var geggjað go...súrt hahahhahah ;) ) og við Erla erum sem sagt að spjalla saman og hún spyr mig hvort ég vilji taka við búðinni þeirra HIGH AND MIGHTY en ég segi henni að ég er að fara í skóla í haust og því geti ég það ekki... við spjöllum meira um allt og ekkert (takk Erla fyrir vináttu þína, hún er mér ROSALEGA dýrmæt)... 4 tímum seinna... HEY... EN INGVAR!!! Þetta kemur eins og byssuskot í hugan minn. Allt í einu komu hugsanirnar um þetta til mín, ég fer að segja Erlu frá stórum draum sem Ingvar á. Honum hefur alltaf langað til að reka fatabúð, ekki svona vélrænni búð (eins og 17 eða Deres) heldur búð þar sem hann gæti veitt mjög persónulega þjónustu, vera með lítið kaffihorn í búðinni og gjörsamlega dekra við viðskiptavinninn. Ingvar er mjög nærgætinn og notaleg persóna sem fólki líður vel í kringum og þeir viskiptavinir sem koma þarna inn þurfa einmitt á svoleiðis að halda (þetta er stílað inn á stóra karlmenn, stóra á alla kanta, sem finna ekki föt á sig annarstaðar, nema að láta sérsauma). Allavegna... ég hlakkaði mikið til að segja Ingvari frá þessari hugmynd og ég byrjaði strax að biðja fyrir því að foreldrar hennar Erlu myndu taka vel í þetta ef þetta væri eitthvað sem Guð væri að færa fram og opna. Ég fann í anda mínum að þetta væri gott. Ég talaði við Ingvar og honum leist ekkkert smá vel á þetta, ég spjallaði við Erlu um kvöldið og hún sagði að foreldrar hennar væru gjörsamlega í skýjunum yfir þessu! Svo fórum við í gær til þeirra, fengum geggjaða franska súkkulaðiköku a la Erla (takk fyrir hana... næstum því eins góð og skyrið hjá Kjartani ;) ) og áttum yndislegt spjall við þau öll saman...(enda ekki annað hægt þegar þau eiga í hlut, þetta fólk Kári og Anna eru svo mikið EÐAL fólk og vita það allir sem þekkja þau!!!!!)

Málin standa sem sagt svona í dag...
- Ingvar er að verða verslunarstjóri í verslununni High and mighty...
- Ég verð aðstoðamanneskja hans fyrstu tvo mánuðina, fyrir hádegi (kemur á óvart... NEI, bara nákvæmlega það sem ég þurfti og Guð vissi það)
- Við tvö munum fara í innkaupaferðir til Englands tvisvar á ári.
- Vinnutíminn hans verður 11-18... getur farið í líkamsrækt á morgnanna og undirbúið sig fyrir unglingastarfið.
- Líkamleg vinnan verður ekki sú sama
- Draumur verður að veruleika.
- Glæ ný tækifæri, ný reynsla
- Umbilting á lífi okkar!!!
Við vitum að þetta verður mikil vinna en við erum tilbúin að takast á við nýtt og treystum því að Guð hafi látið okkur þangað því að það verður okkur til blessunar og versluninni til blessunar og framdráttar.

Við getum ekki annað en gefið Guði dýrðina og þakkað honum óendanlega fyrir hversu góður Guð hann er og elskar börnin sín mikið... Takk elsku Jesús hvað þú ert yndislegur, viltu leiða okkur áfram í þessu og gjöra sléttan veg þig fyrir okkur, við elskum þig svo heitt, það er ekkert sem við getum gert til að verðskulda gæsku þína til okkar og takk fyrir að elska okkur þrátt fyrir hvað við erum mannleg... við tilheyrum þér alltaf og ávallt!!!!!

Mig langaði bara til að deila þessu með ykkur elsku lesendur mínir og hver getur sagt eftir þetta að Guði er enginn hlutur um megn og að vegir Guðs séu órannsakanlegir... allavegna ég og ég trúi því að þú getir það líka ;)

Kær kveðja til ykkar frá mér...
Ágústa Ósk

Gleðilega hátið.

2006-04-16T11:00:00.000Z

GLEÐILEGA PÁSKA

Í dag er svo sannarlega gleðidagur því að hann á fullt af minningum um að JESÚS er ekki lengur dáinn. Hlið heljar er ekki lengur ógnun fyrir okkur því að við eigum lífsins lykil. Og allt það vegna þess sem Jesús gerði fyrir okkur fyrir tæpum 2000 árum síðan þessa seinustu 3 daga!

Hvernig getur maður annað en glaðst???

Ég veit það ekki og ég ætla ekki að reyna það einu sinni, ég er svo glöð í Guði mínum og ég hvet ÞIG til að gleðjast í dag.

Hlýjar páskakveðjur til þín frá mér...

Allt að koma...

2006-04-12T13:43:00.000Z

Góðan dagin gott fólk...

Í fréttum er þetta helst...

Mér líður miklu betur, er núna á því tímabili sem hitinn er að læðast út úr líkamanum og skilur eftir sig raka þegar hann fer út um dyrnar skiljiði... þetta var pent orðað, sumir hefðu sagt, ég svitna eins og svín á þessu tímabili, en ekki ég því að ég er svo mikil dama ;) En hvernig er það fyrst ég er að blanda svínum í umræðuna.. svitna þau??? og annað... er ekki merkilegt að af öllum dýrum er hjartað í svínum líkast okkar!!! Hvaða kaldhæðni er það Guð? Ég bara spyr.

Í öðrum óspurðum fréttum... óspurðum og ekki óspurðum... ja með því að kíkja á síðuna mína þá eru þið í raun að óska eftir fréttum frá mér... sem sagt í öðrum fréttum er þetta helst og gleðilegast að ég er að fara að hætta í vinnunni minni... jeiii... reyndar er þetta æðisleg vinna en batteríið mitt var bara búið og ég er búin að vera á einhverjum aukaforða (sem er líka búinn) í langan tíma... en nú get ég bara talið niður og ég skal segja ykkur það að það eru 12 næturvaktir eftir! Til hamingju Ágústa að þú fæddist hér! Eins og þið sjáið er ég mjög sátt við þetta... og gleymi því alveg að ég veit ekkert hvað ég er að fara að gera.. en ég treysti Guði... ég ætla að tékka á nokkrum hugmyndum og ef þær ganga ekki þá er GUð með eitthvað annað og betra fyrir mig og fjölskylduna mína.

JÆJA... Páskarnir bara að koma, átti yndislegt spjall við Aron Elí í gær um páskana og allt sem gerðist þá... fyndið hvað spurningarnar verða þroskaðri frá ári til árs og hann er kominn með svo djúpan skilning á fagnaðarerindinu.... hann er í svona Biblíufíling núna, langar að vita meir og meir gjörsamlega þyrstir eftir meira.

Um daginn var ég að syngja lag sem heytir ,,Hold me now" og Aron Elí spyr "hvað ertu að syngja, hvað þýðir þetta" ég segist ætla að segja honum það þegar ég væri búin að bursta á honum tennurnar og við komin upp í rúm. Svo þegar hann er lagstur sit ég hjá honum og syng svona 2 setningar á ensku og segi honum svoo hvað þær þýða og svo framvegis... svo söng ég 5-6 setningar á ensku og týmdi ekki að slíta það í sundur því að ég sá að þetta var að hafa áhrif á hann (þó svo að hann skildi ekki) því að augun hans fylltust af tárum og hann teygði hendurnar í áttina að mér og faðmaði mig svo fast. Vá þetta var svo dýrmætt móment, Guð snerti á svo áberandi hátt við honum. Langaði bara að deila þessu með ykkur...

Við heyumst brátt aftur... takk fyrir bænirnar, þær virkuðu eins og alltaf, Guð er stórkoslegur!!!

Kveðja frá mér til ykkar...

Er á lífi...

2006-04-10T09:29:00.000Z

Jæja... bara svona að láta vita að ég er á lífi... þetta hefur verið rosalega erfiður tími, heilsan mín er eitthvað að gefa sig og þess vegna hef ég látið tölvuna bara alveg í friði og ég er bara að reyna að ná þessu úr mér. Er frekar svekkt yfir að vera 27 ára með heilsu á við 72 ára... Guð er að vinna og ég verð bara að treysta því að þetta hafi einhvern tilgang sem ég mun skilja eftir smá stund. Ég þarf bara að fara að gera eitthvað heilbrigðara en að vinna á nóttunni það er ekki að fara vel með mig og fara að hreyfa mig, borða hollari mat og eitthvað.

Jæja ég hef ekki orku í meira...

Guð blessi ykkur og þið megið hafa mig og fjölskyldu mína í bænum ykkar.

Takk fyrir og sjáumst...
Ykkar Ágústa

Andvökunætur

2006-03-22T02:03:00.001Z

Jæja, nú ætlaði ég að vera farin að sofa en ég ligg andvaka og verð að koma því frá mér sem bankar á hjartað mitt (kannski er eitthvað spennandi sem Guð ætlar að nota það, eins og til dæmis að tala til einhverra sem lesa... þetta allavegana talaði til mín) ég ætla að reyna að hafa þetta stutt (svo að fleiri nenni að lesa hahahah). Uuu.. Tóti, Árný og Kolbrún, takk fyrir yndisleg komment... ég ætla að kommenta kommentin ykkar á morgun svo að fylgist með, hef ekki tíma núna, því að ég verð að koma ákveðnu frá mér svo að ég geti farið að sofa... ok hahahha.

Ok... það sem Guð hefur talað til mín seinustu nætur er að margir (þar á meðal ég) liggja andvaka langt fram á nætur og þegar við sofnum ekki strax, þá fer hugurinn á hundrað og fimmtíu kílómetra hraða og yfirleitt beinnt á hraðbrautina sem við treystum okkur ekki á... þá verðum við hrædd, áhyggjufull og óörugg. Þessi hraðbraut inniheldur fullt af hindrunum og hugurinn þarf að hægja á sér og stundum staldra við... yfirleitt eru þetta neikvæðar hindranir... Ég ætla að telja upp nokkrar hindranir... rétti upp hend sem hefur fundið sig í einhverjum
- áhyggjur... og þá yfirleitt af einhverju sem við getum ekkert gert í, (allavegana ekki á þessari stundu) af einverju sem mun aldrei gerast, (en samt eiðum við helling af tíma til að hafa áhyggjur af því) af fólkinu sem okkur þykir vænst um (eyðum frekar tímanum í að biðja fyrir þeim og sláum með því tvær flugur í einu höggi.. sem sagt fyrir okkur, að kasta áhyggjum okkar á Guð og fyrir þau, leggja þau og þeirra mál í hendur þess sem er hægt að treysta fyrir öllu)
- reiði... eitthvað hefur komið okkur úr jafnvægi, kannski hefur einhver sagt eitthvað við okkur, gert eitthvað á okkar hlut, sært okkur eða verið ósanngjarn. Við semjum ræður í huganum til að mæta með þegar við hittum náungan aftur, hugsum óuppbyggjandi hugsanir um viðkomandi eða jafnvel gerum honum upp hugsanir og ásetning. Í Biblíunni stendur "Ef þér reiðist, þá syndgið ekki. Sólin má ekki setjast yfir reiði ykkar. Gefið djöflinum ekkert færi." (Efes.4:26-27) Reynum að greiða úr málunum áður en við leggjumst til hvílu til að koma í veg fyrir þetta vandamál, því að við gefum djöflinum svo sannarlega færi ef við erum að hugsa neikvætt um annan og um leið að rífa sjálf okkur niður (allavegana erum við ekki að gefa Guði færi á meðan)
- Kynlífsórar... Ég held ég þurfi ekki mikið að skýra þetta út og þið þurfið ekki að rétta upp hönd, en ég veit að líklega allir hafa einhverntíman lennt í þessum pitti......... og þá yfirleitt með einhvern annan í huganum en okkar eigin maka og jafnvel konu náunga þíns (já eða manns náunga þíns) "Hver sem horfir á konu (mann) girndarhug, hefur þegar drýgt hór með henni í hjarta sínu." (Matt.5:28) og í þessu tilfelli horfum við með huganum. Svo næsta dag þá erum við með samviskubit og sjálfsáskanir og þorum kannski ekki að mæta Guði (eins og Adam og Eva, reyndu að fela sig með laufunum, munið þið?) og þá veit ég um einn sem er mjööög glaður því að hann á færið þá og það er djöfullinn... gefum honum ekkert færi!!!

Og svona mætti lengi telja... Upp á síðkastið hef ég verið andvaka en ég hef verið að gera alveg andstæðuna við það sem ég var að telja upp (ég er ekki að segja að ég sé fullkomin.... laaaaangt frá því en þetta er eitthvað sem Guð hefur gefið mér og ég tek því sem gjöf og langar að deila henni með ykkur, því að hún virkar vel) ég hef verið að lofa Guð (í huganum) og biðja, hugsa um allt það yndislega sem hann hefur gefið mér (t.d. fljölskylduna mína, hvernig get ég verið betri eiginkona, mamma, barn foreldra minna og systir og frænka oooog allt það) hugsa um allt það sem Guð hefur verið að kenna mér undafarið. Vitið þið það að þetta virkar miklu betur heldur en hitt... með þessu er ég að fylla hugan af jákvæðum og kærleiksríkum hugsunum í staðin fyrir neikvæðar og niðurrifshugsanir... og í leiðinni gef ég djöflinum ekkert færi. "Sál mín mettast sem af merg og feiti, og með fagnandi vörum mínum lofar þig munnur minn, þá er ég minnist þín í hvílu minni, hugsa um þig á næturvökunum" (Sálm.63:6-7) Þetta segir Davíð sálmaskáld og hann var maður eftir hjarta Guðs... ég þrái að vera kona eftir hjarta Guðs og þá er líka gott að taka mið af þeirri fyrirmynd sem við höfum... t.d. í honum Davíð.

Jæja þetta er orðið aðeins lengra en ég ætlaði mér en ég við hvetja þig lesandi minn að gera eins og Davíð... stylltu hugan á Jesú... ég skal segja þér eitt að það ert þú sem ræður hvað þú hugsar! "Hegðið yður eigi eftir öld þessari heldur takið háttarskiptum með endurnýjung hugarfarsins svo að þér fáið að reyna hver sé vilji Guðs, hið góða, fagra og fullkomna" (Róm 12:2) Við þurfum að taka háttarskiptum... það kemur ekki að sjálfu sér... þetta byrjar allt á því að við breytum um hugsunarhátt. Ég er ekki að segja að það sé auðvelt en smátt og smátt kemur það! Það byrjar á því að við séum meðvitum um hvað við erum að hugsa... verum pikkí á það sem við leifum að dvelja í huga okkar, stoppum ekki við það sem gerir það að verkum að djöfullinn fái færi...

Þetta er komið í bili... setjum okkur markmið og tökum til í huga okkar...
´
Kær kveðja frá mér til ykkar...

Hjartað mitt er upptendrað í þínum faðmi...

2006-03-18T08:08:00.000Z

,,Dæmið ekki svo að þér verðið ekki dæmdir. Því að með þeim dómi sem þér dæmið, munuð þér dæmdir verða og með þeim mæli sem þér mælið, mun yður mælt verða... , ...Gefði ekki hundum það sem heilagt er og kastið ekki perlum yðar fyrir svín. Þau mundu troða þær undir fótum og þeir snúa sér við og rífa yður í sig. (Matt.7:1-2 og 6)

Ég er búin að vera á svakalega erfiðu tímabili varðandi einn hlut í mínu lífi... og það sem meira er... ég hef ALLS ekki skilið af hverju mér líður svona og hvað sé eiginlega í gangi... er ég komin aftur á gelgjuna eða hvað er í gangi???

Þessi blessaði hlutur (ef hlutur má kallast) er hæfileiki sem Guð hefur gefið mér, Svið í lífi mínu sem hefur með mína þjónustu til Hans að gera og er einnig tengdur því að geta blessað aðra mikið í gegnum, fyrir utan það að ég elska að gera þetta og nýt þess alveg í botn. En einhvernvegin hef ég verið að finna svo SVAKALEGAN vanmátt í þessu og sjálfstraustið er á við litla gula baun. (það teygar ekki einu sinni upp í græna skiljiði!!!) Þetta svið á við sönginn og þá rödd sem Guð hefur gefið mér og engum öðrum.

Ég hef verið eins og lítil gelgja sem (eins og mamma mín sagði við mig í gær) er sæt en segist vera ljót (við höfum líklega allar gengið í gegnum þetta). Afsakið það sem kemur núna og kannski finnst einhverjum það hrokafullt og algjörlega stangast á við það sem ég sagði um sjálfstraustið hérna 5 línum fyrr... en ég veit að fólk blessast á því að heyra mig syngja og ég er búin að vera að vinna rosalega mikið í röddinni minni og hún er að þroskast gríðalega... svo að þá kemur það skrítna í þessu og ég segi það hérna sem ég sagði við Írisi Lind vinkonu mína í gær ,, ég skil ekkert í þessu því að ég veit alveg að ég get sungið en samt líður mér svona, og gerir það að verkum að ég er búin að vera að hugsa alvarlega í því að hætta í Gospelkórnum því að mér finnst ég vera að taka plássið sem einhver önnur BETRI söngkona ætti frekar að hafa." Og málið er að ég var ekki að segja þetta til þess að hún færi að segja ,,nei þú átt að vera hérna" og eitthvað... MÉR RAUNVERULEGA FANNST ÞETTA en samt skildi ég alls ekki af hverju, því að ég sá líka hina hliðina á málinu (að ég ætti alveg að vera í kórnum)

Ok þetta er orðið mjöööög flókið... í stuttu máli... Mér fannst eitthvað í huganum en í hjartanu vissi ég að það væri rangt. Ég vissi hvað ég gat, en samt var sjálfstraustið á við gula baun. Ég gerði mér grein fyrir þessu en samt skildi ég ekki hvað var að eða af hverju í ósköpunum mér leið svona. Ég fann að þetta var ekki gelgjuskapur en samt var það það!!!

Ég er búin að vera að leita Guðs í nótt (er sem sagt að vinna) og grátbiðja hann um að hjálpa mér að finna út úr þessu... því að trúið þið mér ÞETTA ER KRÍSA!!! og manni getur allllls ekki liðið vel á þessum stað!

Viti menn... Guð lætur ekki á sér kræla (hvað er kræla???) og Hann sýnir það enn og aftur að Hann er lifandi Guð sem ber umhyggju fyrir mér (og þér) og orð Hans (Biblían) er lifandi og kröftug og hefur svör við ÖLLU sem við þurfum að vita!!!

Hann sýndi mér... (þetta er erfitt að ljóstra þessu upp svona á netmiðli sem allir geta lesið hversu mikill gallagripur ég er... en í auðmýkt geri ég þetta, því að ég trúi því að kannski er einhver sem rambar inn á þessa síðu og hann er kannski búinn að vera að kljást við eitthvað svipað og ekki get ég setið á svarinu sem ég er búin að finna) OK... hér kemur það... Hann sýndi mér að... Með þeim dómi sem þér dæmið munuð þér dæmdir verða!!!

Úffff.... búmmm, Ágústa... dæmdu og þú verður dæmd... kannski ekki af öðrum en af sjálfri þér!!! (Því að það hefur örugglega enginn annnar í kórnum en ég sjálf fundist ég ekki eiga að vera þarna, samt var ég að hugsa um að örugglega öllum þætti það, en samt hugsaði ég nei þeim finnst þetta ekki) ooo aftur er ég orðin flókin!

Málið er sem sagt þannig að ég hef verið ROSALEGA dómhörð á allar kvennaraddir sem ég heyri... ég hef verið að finna að tóninum í röddinni, þó svo að tæknin sé alveg brilljant hjá manneskjunni (tek það fram að þótt ég fíli ekki tóninn, þá eru milljón manns sem fíla tóninn í röddunum á þessum söngkonum sem ég hef verið að dæma) ((og annað... ef ég hugsaði ekki svona um söngkonur, þá væri ég örugglega að njóta þess að hlusta á þær) ((( og annað, það eru örugglega margir sem fíla tóninn í röddinni minni og örugglega margir sem fíla hann ekki))) Ég hef sem sagt verið að dæma allar söngkonur í staðin fyrir að samgleðjast þeim. Ég hef verið að rífa niður í staðin fyrir að uppbyggja (kannski ekki sagt mikið en í huganum mínum). Hef verið að finna að í staðin fyrir að njóta þess sem er til staðar...

BARA AÐ ELSKA... það er málið... kærleikurinn sem Guð hefur gefið okkur til hvors annars...
Ok sem sagt ásæðan fyrir því að ég hef verið að tærast að innan er þessi...
ÉG hef gefið hundunum og svínunum(sem er líking fyrir illa anda í þessu tilfelli í Biblíunni) ((tek það fram að hundar og svín eru ekkert tengdir illum öndum í daglegu lífi...) það sem heilagt er og það er til dæmis það að elska náungan og hans hæfileika, umburðarlindi, samgleðjast og leifa náunganum að njóta sín (án þess að vera að finna að) og kastað því frá mér, þar sem illir andar(júbb þeir eru til) troða þessu heilaga undir fótum sér. Þeir gera nefnilega meira en það... samkvæmt þessu versi í Matteusi þá snúa þeir sér við og rífa mig í sig!!! Ááááiii og það er einmitt það sem hefur verið að gerast... þeir hafa rifið mig í sig með því að rífa sjálfstraustið niður... láta mig halda að allir séu að hugsa eins um mig og ég hef hugsað um þau, sem sagt að ég ég sé ekkert góð af því að svona og svona og þetta og þetta er ekki fullkomið í röddinni og með því að vera orðin svo hræðilega bundin af því hvað öðru fólki finnst... það á ekki að skipta máli... þetta er nú ekki fallegt og eru kannski einhverjir sem eru hættir að lesa... en til þess að ég áttaði mig á því sem var að gerast hjá mér, þá opnaði þessi ritningarstaður algjörlega augun mín.

ÉG VAR SEM SAGT AÐ FÁ ÞAÐ TIL BAKA SEM ÉG HAFÐI SÁÐ!!! og það var að rífa mig að innan!!!

Pössum okkur á því hvernig við hugsum um náungan í kringum okkur... DÆMUM EKKI SVO AÐ VIÐ VERÐUM EKKI DÆMD! Köstum ekki perlunum okkar fyrir svín!!!

Ég er búin að biðja Guð um að fyrirgefa mér og þá geri ég fastlega ráð fyrir því að lækningaferlið sé farið að stað... það mun taka einhvern tíma að lænast algjörlega en það mun gerast, ég sleppi ekki þessari perlu sem Guð hefur svo ákveðið agað mig með í nótt. Nei ég sleppi ekki minni perlu en Hann á aðra fyrir þig. Ef það er eitthvað sem þú ert að kjást við sem þú skilur ekki alveg, þá á Guð svarið fyrir þig. Kannski er þessi færsla byrjunin af því að Guð sé að eiga við þig og þá hvet ég þig til að lesa Hans orð og fá fleiri perlur frá Honum!

Guð blessi þig... (hahahha ekki veit ég nú hvort þú hefur lesið allaleið niður, svaka langloka hér á ferð, en þetta er leið fyrir mig til að leisa um og átta mig á því sem Guð hefur talað) og ég vil þakka þér svo mikið fyrir að hafa farið alla þessa leið með mér með því að lesa þetta allt saman! Takk fyrir.

Svo eitt stutt... í sambandi við gelgjurnar sem eru sætar en finnst þær samt vera lótar... kannski hafa þær verið að finna að útliti annarra stelpna!!! Spurning???

Þín Ágústa

Það rofar til inn í mér...

2006-03-06T04:59:00.000Z

,,En er langt var liðið nætur, kom hann gangandi á vatninu, varð þeim bilt við. Þeir sögðu: ,, Þetta er vofa," og æptu af hræðslu. En Jesús mælti jafnskjótt til þeirra: ,,Verið hughraustir, það er ég, verið óhræddir." Pétur svaraði honum: ,, Ef það ert þú, herra, þá bjóð þú mér að koma til þín á vatninu." Jesús svaraði: ,,Kom þú!" Og Pétur sté úr bátnum og gekk á vatninu til hans. En sem hann sá rokið, varð hann hræddur og tól að sökkva. Þá kallaði hann: ,,Herra, bjarga þú mér!" Jesús rétti út höndina, tók í hann og sagði: ,,Þú trúlitli, hví efaðist þú?" Þeir stigu í bátinn og þá lægði vindinn. (Matt 14:25-32)

Eftir seinustu færslu hefur margt gerst hjá mér og þá kannski mest af því að ég hef eitt meiri tíma með Guði en vanalega. Einn vinur minn sagði mér um daginn að hann hefði farið að leiða hugann að því hvað hann vildi verða þegar hann yrði stór (samt orðinn vel yfir 180 cm nú þegar ;) ) og hann sagði einnig að um daginn mundi hann eftir því að hafa einu sinni vitað hvað hann vildi verða en hann mundi ekki hvað það hefði verið... hann fór að hugsa og hugsa... einhverjum tíma seinna mundi hann það og vá... honum langaði þetta ógeðslega mikið enn!!!

Í kjölfarið af þessari frásögn fór ég að leiða hugan að því hvort ég hefði aldrei átt svona sterkan draum um eitthvað starf (sem kannski Guð vildi blessa mig með) en ég mundi ekki eftir neinu. Ég hætti bara að hugsa um þetta og var bara í bæn og lofgjörð. Í gærmorgun var ég með Moggan fyrir framan mig og var að blaða í gegnum hann þegar ég rek augun í auglýsingu (atvinnuauglýsingu) sem fær mig til að fara að gráta. Þetta var ekkert sorgleg auglýsing en það sem var við hana var það að ÞETTA VAR STARF SEM ÉG ÞRÁI AÐ STARFA VIÐ!!! Og hef áður þráð (alveg eins og vinur minn, en ég mundi ekki eftir því) og þetta mynnti mig á nákvæmlega sömu aðstæður fyrir ári síðan. Þá var ég að spöglegra hvað ég vildi verða og biðja fyrir því og var að skoða Moggan í vinnunni, í sama stól, við sama borð, á sunnudegi og sé auglýsingu og fer að gráta... Þessu var ég búin að gleyma en mundi eftir því um leið og þetta gerðist í annað skiptið!

Já í sambandi við þetta starf (ég ætla að segja ykkur hvað það er, ef til þess kemur að ég ákveð að fara í þetta) þá er lööööng leið að því... 6 ár í Háskóla þar af 4 ár í námi sem ég hef engan á áður en að þessum 2 árum kemur sem ég hef áhuga á, mjööög þungt nám og ég tala nú ekki um vegna lesblindunnar minnar, ég finn að í eigin mætti þori ég þessu ekki, allt á ensku (brosi þeir sem þekkja mig núna) og ég er mjög hrædd við ensku . Ok... Ég veit að ég get þetta ef ég ætla mér þetta eða með öðrum orðum... Ég get þetta ef þetta er ekki vofa heldur Jesús (ekki í mínu höfði, heldur Jesús að benda mér á að þetta sé starf fyrir mig þar sem ég get orðið öðrum til mikillar blessunar) því að þá veit ég að hann segir ,, Vertu hughraust, það er ég, vertu óhrædd."

Ég sé þetta fyrir mér eins og ólgusjó sem ég þori ekki út í, en með hjálp hans veit að ég geng ofan á ólgusjónum (ekki að ég þurfi ekki að hafa fyrir þessu... NEI ég veit að ég mun þurfa að hafa miiiikið fyrir þessu en ég veit að ég kemst í gegnum það... á meðan ég er með sjónir á Jesú og treysti á hann og að hann hjálpi mér og haldi í höndina á mér) Ég finn það líka að það er mjög stutt í það (eins og hjá Pétri) að ég líti í kringum mig á aðstæðurnar og ég byrji að sökkva. En ef ég fer í þetta ætla ég að hengja þessa sögu á ískápinn hjá mér (eða í lærdómsbækurnar) og hugsa ég ætla ekki að vera eins og Pétur ég ætla að horfa beinnt fram, beinnt á Jesú og ekki láta aðstæðurnar drekkja mér.

EF Jesús er að benda mér á þetta starf og lofa að gefa mér styrk í þetta þá má ég ekki efast. Ég vil vera eins og Abraham sem fær fyrirheit og heldur fast í það!!! Guð var búinn að lofa honum að hann ætti eftir að verða faðir margra þjóða svo segir í Róm 4:20-21 ,,Um fyrirheit Guðs efaðist hann ekki með vantrú, heldur gjörðist styrkur í trúnni. Hann gaf Guði dýrðina og var þess fullviss, að hann er máttugur að efna það sem hann hefur lofað"

Verði Guðs vilji með mitt líf og fjölskyldu minnar, hann einn veit hvað er það besta fyrir okkur, því að Hann þekkir þær fyrirætlarnir sem hann hefur í hyggju með okkur (segir Drottinn sjálfur) og það eru fyrirætlanir til heilla en ekki til óhamingju að veita okkur vonaríka framtíð (Jer 29:11)

Guð blessi ykkur lesendur mínir...

Hugarástand mitt!!!

2006-03-04T00:10:00.000Z

Ég er búin að sitja fyrir framan tölvuna í frekar langan tíma núna (og það var líka svoleiðis í gær) og langað að blogga... ég meina, ég hef fundið þörf fyrir að blogga en ég veit ekki hvað ég á að segja, hvernig ég á að orða hlutina (hlutina sem ég hef ekki að segja), hvernig ég á að byrja (eitthvað sem ég veit ekki hvað kemur út) og hvernig endirinn verður. Málið er kannski það að það hefur margt legið á mínu hjarta sem ég get kannski ekki alveg bent á og sagt "þetta er það sem ég hef verið að hugsa" heldur hefur hugur minn verið á flugi og stundum hef ég verið að hugsa um þrennt í einu og mér finnst þetta alls ekki þægilegt, og ég hef að svona eigi hugur okkar ekki að vera. Guð vill ró og frið fyrir okkur og það á líka við hugan og kannski fyrst og fremst hugan, því hugurinn og hugsanirnar okkar hafa ROSALEG áhrif á líf okkar. Ef við hugsum jákvætt.... þá er lífið jákvæðara. Ef við hugsum neikvætt... þá sjáum við ekki björtu hliðarnar og þá verður lífið hörmung, því að það er enginn í heiminum, sama hversu neikvæðum aðstæðum hann er í sem getur ekki fundið eitt lítið jákvætt atriði (sem getur jafnvel gefið honum ÖÖÖÖRLITLA vonarglætu til að lifa af daginn. Og ef hugurinn okkar er ringlaður (eins og minn hefur verið undanfarna daga) þá er maður uppgefin og getur ekki tekið sér eins mikið fyrir hendur, og stundum fundist við vera að kafna í verkefnum.

Það sem hugurinn minn hefur eitt kröftunum sínum í að hugsa um er... hvað á ég að gera í haust??? Á ég að fara að vinna? eða skóla? hvaða skóla? hvað langar mig að verða þegar ég verð stór? Guð segðu mér það!!! hahahaha iii ein frek! Við getum það í raun ekki peningalega séð að ég fari í skóla, en ef ég vissi hvað ég mundi vilja læra þá myndum við stökkva út í það og þá værum við líka peningalega séð betur sett eftir að ég er búin að vera í skólanum... en ég fíla ekki að fara í skóla BARA til að fara í skóla. Hvernig get ég komið blessuðu börnunum mínum heilbrigðum út í lífið (eins og það gagnist eitthvað að hafa áhyggjur af því núna!!! DÖÖ ,,Hafið því ekki áhyggjur af morgundeginum. Morgundagurinn mun hafa sínar áhyggjur. Hverjum degi nægir sín þjáning" (Matt.6.34) Þetta eru orð elsku frelsarans míns og ég er að hafa áhyggjur 10 ár fram í tíman... jiminn!!!

Ég er búin að sakna Arons Elís svo mikið núna. Hann fór til pabba síns í gær og verður yfir helgina... mér finnst svo erfitt að þurfa að deila barninu mínu og vita það að hann fær áhrifin þaðan líka, samt veit ég að pabbi hans hugsar alveg rosalega vel um hann og elskar hann út af lífinu, en samt er auðvitað áherslumunur og mér finnst það erfitt að hugsa til þess að Aron Elí eigi kannski eftir að velja lífstíl pabba síns frekar en okkar (en aðaláherslumunurinn er sá mikilvægasti í mínu lífi... sem sagt trúin en trúi ég því að með bæn verði það nú ekki problem í framtíðinni ;). en ykkur til fróðleiks erum við barnsfaðir minn mjög samtaka í uppeldinu og styðjum hvort annað og strákinn okkar í því sem við trúum að sé honum fyrir bestu). En ég veit að ég á ekki að vera að bera þessar byrðar því að þær eru einfaldlega of þungar fyrir móðurástina og ég á ekki að þurfa að bera þær ,,Komið til mín allir þér sem erfiði hafið og þungar byrðar, og ég mun veita yður hvíld. Takið á yður mitt ok og lærið af mér, því að ég er hógvær og af hjarta lítillátur og þá munuð þér finna hvíld í sálum yðar. Því að mitt ok er ljúft og byrði mín létt" (Matt 11.28-30) Þetta bíður Jesús minn mér! Af hverju er svona erfitt að tileinka sér svona orð og sleppa þessum óþarfa áhyggjum og treysta bara? Er það kannski spurning um hugarástand??? Já ég held það... maður verður að skipa hugsunum sínum að hætta þegar þær byrja að hafa áhyggjur og hennda þeim í fangið á Jesú. Kannski finnst sumum þetta barnalegt. En það verður bara að hafa það, þá vil ég vera barnaleg, því að ég finn að hitt er mér einfaldlega og þungt.

Jæja... ætli ég fari ekki að segja þetta gott? Ég bið Guð að blessa ÞIG og vil hvetja þig og mig að kasta öllu í fang hans... hann meikar það sem við ekki meikum og hann gefur okkur styrk í það sem við þurfum að meika.

Ágú

Á léttari nótum.

2006-02-28T02:24:00.000Z

Sælt veri fólkið!

ÉG fór í óperuna á sunnudagskvöldið sem var alveg gríðarleg skemmtun. Ég, mamma og Árný fórum saman að sjá Öskubusku. Aðalhlutverkið lék hann Garðar Thor og svo var hann Bergþór Pálsson í einu af aðalhlutverkunum líka og var hann mjöög fyndinn í sýningunni. Á tímabili var þetta mjög fyndið og svo var á hinum tímabilunum svo geggjaður söngur (reynar allan tíman) að ég fór að velta því alvarlega fyrir mér að langa að syngja svona... hvenrig hljómar það, Ágústa í óperu??? veit ekki, bara veit það alls ekki en mig langar að prufa það í söngkúrsinum sem ég er að fara að byrja í á mánudaginn næsta... íííks, mjööööög spennandi það. Ég er sem sagt að fara í árs diplóma nám í söng þar sem röddin verður tekin algjörlega í nefið (samt ekki gegnum nefið eða neitt svoleiðis) allskonar stílar og fínerí (og m.a. er ég búin að ákveða að prufa óperu). Svo er Kristjana Stefánsdóttir að fara að kenna mér í FÍH og verður það líka algjört dúndur!!! Hey.. svo ég klári Öskubusku kvöldið, þá sá ég tvo í sýningunni sem ég þekki. Annar þeirra er Þorri og var hann mjög flottur þarna og svo Áskeir Páll sem var nú bara algjör snillingur, þeir voru báðir í kórnum sem var hluti af leiksýningunni og var geggggjaðslega flottur! Ég segi bara takk kærlega fyrir kvöldið kellur og vonandi höldum við áfram að vera svona gífurlega menningalegar og ef við förum aftur í óperuna, þá prufum við að vera uppi næst (til að sjá textan án þess að fá svaka hálsríg... ok?) og biðjum fyrir þessu þarna sem við töluðum um í hléinu og vonandi opnar Guð dyr fyrir okkur með það ;) ;)

En með kynferðismálið, þá ætla ég að hringja í skólan á miðvikudaginn og tala við stjórnvöld þar og ég læt ykkur vita hvað gerist!

Heyrumst!!!

Ekki fyrir viðkvæma!!!!!!!!!!

2006-02-23T23:30:00.000Z

Komið þið sæl og blessuð...

Þetta eru fallegu og saklausu börnin mín! Aron Elí 7 ára og Árnheiður Ósk 2.5 árs. Mér finnst svo notalegt og gott að vita að þau séu bara börn og séu saklaus... því rak mér í rogastans (segir maður það???)við upphringingu sem ég fékk um daginn. Í símanum var Elli pabbi hans Arons Elís og var með upplýsingar fyrir mig sem ég vildi að ég hefði ekki þurft að fá (ég er samt ánægð með að hafa fengið þær, en ég vildi að svona þurfi ekki að gerast!!!!!!!!!!) Ég minni á að þetta er ekki færsla fyrir viðkvæma og orðbragðið verður ekki með snyrtilegu móti.

Það er sem sagt drengur í bekknum hans Arons Elís sem var að fræð Aron Elí (saklausa barnið mitt) og annan um alls konar... m.a. tott og homma!!!!! Þessi strákur sagði þeim hvað væri að totta (ég minni á að þetta er bekjarbróðir hans) og sjálfur sagðist hann vera hommi og ætti kærasta og eftir skóla ætluðu þeir að fara að totta hvern annan!!!!!!!!!! JÁ FÁIÐ SJOKK!!!! ÉG FÉKK ÞAÐ!!! Ekki nóg með það en hann sagði Aroni Elí að segja JÁ og Aron Elí gerði það og þá sagði strákurinn "núna átt þú að totta mig" og Aron Elí neitaði en þá sagði strákurinn við hann að hann hafi sagt já og hann YRÐI að gera það. En Aron Elí var með skynsemi og setti puttana í eyrun og labbaði í burtu... SEM BETUR FER. Elli fékk að heyra þetta um seinustu pabbahelgi og sagði mér sem sagt frá þessu... úffffff

Nú var málið að við Ingvar tækju son okkar 7 ÁRA í kynlífsfræðslu!!!!!!!!! Við settumst niður með barninu okkar og sögðum honum frá því að við vissum um þetta og hvort hann vildi tala um þetta og hann opnaði sig upp á gátt... Hann talaði og talaði og spurði og spurði t.d. -þarf maður að RÍÐA til að eignast börn!!!!!- (er það nú subbulega orðað, en svona orðar þessi strákur hlutina!) og ég sagði "já maður þarf að stunda kynlíf til þess" og þá sagði hann "þarf ég að gera það þegar ég verð 12 ára???" (þá ætlaði þessi strákur að totta fram að 12 ára aldri og fara þá að ríða!!!) Aron Elí var frekar stressaður og sagðis ekkert kunna þetta (ÞAÐ ER KANNSKI EKKI SKRÍTIÐ ENDA BARA 7 OG ÉG ENDURTEK 7 ÁRA, pælið í hvað er verið að leggja á börn... hann er komin með kynlífsáhyggjur!!!!!!!!!!!!!!!!!!!!!!!!!!!!!! ég meina það!) Við sögðum honum að 12 ára væri allt of ungt og hann þyrfti ekkert að hafa áhyggjur af þessu. Kynlíf væri bara fyrir fullorðna en ekki börn og unglinga. Hann færi ekki að stunda kynlíf fyrir en hann væri búin að eignast konuna sem Guð ætli að gefa honum og þá yrði það allt gott. En eins og er er það ekkert fyrir hann að hafa áhyggjur af. Og svo komum við aðeins inn á kynferðislegt ofbeldi (fyrst við vorum á þessum nótum) og sögðum honum að það mætti ENGINN ENGINN snerta á honum typpið eða knúsa hann nema hann vildi sjálfur. Hann væri orðinn nógu stór til þess að þvo sér sjálfur, klæða sig sjálfur og þurka, hann þyrfti enga hjálp og svo sagði ég honum að ef einhverntíman hann lenti í þannig aðstæðum að einhver vildi að hann gerði eitthvað sem hann vildi ekki og hann væri búinn að segja nei en viðkomandi hlustaði ekki, þá ætti hann bara að sparka í manninn og forða sér út!

Svo báðum við saman og hann bað sérstaklega fyrir þessum strák (án þess að við stungum upp á því, hann fann það bara að hann þyrfti á fyrirbæn að halda, gott hjá honum og gott hjá Guði að hjálpa honum og láta Aron Elí vita að það væri ekki allt eðlilegt í kringum þennan strák).

Ég ætla að láta þetta gott heitið í dag. Vonandi misbauð ykkur ekki við þessa lesningu en ég hvet ykkur til að spjalla við börnin ykkar áður en einhver annar gerir það!!!!

Love you ... Ykkar Ágústa Ósk

Allt og ekkert.

2006-02-15T17:13:00.000Z

Góðan og blessaðan daginn...

Bara eitt stutt og laggott blogg í dag, ég er að vinna alla þessa viku og því fer kannski ekki mikið fyrir bloggi hjá mér en kemur allt í ljós. ég ætlaði að láta mynd af Addý fylgja þar sem hún er á koppnum.. það er nefnilega það nýjasta að hún er ekki með bleyju á daginn en gerir þarfir sínar í koppinn og ég er svoooo stolt af henni og þetta er sparnaður út af fyrir sig.. já segðu!!!

Annað... Hún Álfheiður mín var að láta mig vita af því að það hefur enginn getað kommentað nema members only en nú er ég búin að breyta því svo að go creizy á kommentunum.. nei nei segi bara svona..

Ég er í skrítnu skapi í dag... svona nettur svefngalsi í kellingunni. Vakti í alla nótt nátturulega og svoleiðis og mun gera það alla vikuna, en það er í lagi... ég er að rembast við að klára að hekla barnateppi sem ég ætla að gefa Sæunni frænku minni sem fæddi 8 marka barn.

Jæja gott fólk (allavegana góða Álfheiður sem ég veit að kíkir á síðuna mína) bið að heilsa ykkur!

Galsakveðjur til ykkar frá mér...
Ágústa Ósk

Flókið líf????

2006-02-12T19:09:00.000Z

Talandi um takta... þetta er eins og getraun, getið þið sagt mér í hvernig stellingu Aron Elí er í? Hann var sem sagt í fótbolta og ég náði þessari flottu mynd og mér finnst hún alveg kostuleg.

Stundum líðu manni eins og maður sé bara hreinnt og beinnt í flækju... það getur verið andleg flækja eða veraldleg. Lífið þarf ekkert að vera geggjaðslega flókið.

Í Biblíunni stendur að við eigum að gera plön en Guð ræður því svo hvað gerist með þau (það er að segja ef við treystum á hann og viljum að hann skipti sér af lífinu okkar.) Við köstum teningunum en Guð ræður hvað kemur upp. Nú er ég ekki að tala um það að við getum bara sest upp í sófa, viðrað tærnar og gert ekki neitt, nei alls ekki! En við þurfum ekki að vera í stressi, áhyggjum og því böli. Við vitum að lífið okkar er í Guðs hendi og hann mun vel fyrir sjá ef við leitum fyrst ríkins hans og réttlætis, mun allt veitast okkur að auki (í því sem við gerum).

Gerum lífið ekki flóknara en það er... Njótum þess að vera til... Elskum fólkið í kringum okkur... Gerum okkar besta... Treystum Guði... Leitumst eftir vilja hans... BROSUM.

love you...

Sumar í nánd???

2006-02-11T22:01:00.000Z

Góðan daginn...

Dagurinn í dag er búinn að' vera dásamlegur... Byrjaði á kóræfingu og svo kom ég heim og við hjónin fórum út með börnin, út á róló og þar lékum við Addý okkur en strákarnir spiluðu fótbolta. Aron Elí er orðinn þrusugóður í fótbolta og þvílíkir taktar!

Þegar við fjölskyldan vorum á heimleið löbbuðum við fram hjá gleðitíðindum!!! Já ég meina það, við fórum fram hjá runna sem var að byrja að blómstra... bíddu hvaða dagsetning er eiginlega í dag? Ég vona að runninn eigi eftir að lifa þetta af... hann gaf mér allavegana gleði í hjartað og ástæðu til þess að stoppa, hugsa og mynda reyndar líka...

Kannski ýkt tekið til orða að sumarið sé í nánd en ég ætla að leifa einu Biblíuversi að fylgja þessu...

"Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér að sumar er í nánd." (Matt.24:32)

Guð blessi okkur öll.

Ágústa Ósk

Bryrjuð aftur (þökk sé Álfheiði)

2006-02-10T23:36:00.000Z

Blessuð og sæl öll sömul.. eða allavegana Álfheiður!!!

Vá maður, er ekki komin tími til að byrja að blogga í alvörunni aftur. Málið er að ég fékk hvattningu frá vinkonu minni Álfheiði (sem býr því miður á Egilsstöðum) að ég þyrfti að byrja að blogga aftur og ég fór að hugsa málið og komst að þeirri niðurstöða að endurvekja gaaamla bloggið mitt og setja mögulega einhverjar myndir líka. Svo ætlaði ég að fara að byrja en fattaði þá að ég bjó í Hvassaleitinu þegar ég var með þetta og Siggi Þór var mín tölvuhjálparhella þar og ég kunni EKKKERT Á ÞETTA... hvað þá að setja myndir. Álfheiður var á msninu og bauðst til að aðstoða kellinguna (mig sem sagt) og er var alveg að fara að gefast upp (nokkrum sinnum) og þá sagði kennarinn bara "við gefumst ekki svona auðveldlega upp" (hún kenndi mér líka að hekla og það hefur gefist vel) og hún hélt áfram og áfram og svo leistist þetta á órtúlegan hátt.. (í stuttu máli) ég er búin að eiga þessa síðu í 2 ár... ég geymi myndirnar mínar á picaso og það var ekki flóknara en svo að þessar tvær síður eru í samstarfi!!!!! ÓTRÚLEGT... EN SATT!!!! AAAAAAAAHAHHAHAHAHAHAHAH æææ kannski finnst ykkur þetta ekki eins fyndið.. þetta er bara svona "had to binn ðer" aðstæður...

Allavegana.. ég ætla að tékka hvort þetta mun ganga betur hérna megin...

Takk Álfheiður mín og kannski verður þú sú eina sem kíkir hingað en þá er það þess virði... þú ert algjör gull!!!

Þín Ágústa

Allt hefur gengið upp! Dýrð sé Guði

2004-06-13T15:33:00.000Z

Vá...... ég og maðurinn minn eigum íbúð!!! Jei, ég er svo hamingjusöm með þetta allt saman. Við fengum hana á nákvæmlega því verði sem við vildum og "höfðum efni á" og við kítum á hana í fyrradag, það var eftir að við skrifuðum undir og mér leið svo vel að ganga þarna inn og finna það að þetta er íbúðin mín. Við ætlum að dúllast aðeins við hana, m.a. að rífa allt út af baðherberginu og endurnýja algjörlega... (svo að ég vona að allir mínir gestir þurfi að pissa þegar þeir koma í heimsókn ;).
Íbúðin er á Háaleitisbraut 54, annari hæð til vinstri, svo að það er ekkert ofsalega langt fyrir eldra fólk að ganga upp stigana. Við fáum afhent um mánaðarmótin ágúst/september og þá verða hendur látnar standa fram úr ermum. Ég get varla beðið en ég verð að viðurkenna að það er pínu kvíðahnútur... að fara úr foreldrahúsum í rauninni í fyrsta sinn!!!!!!!! Tími til komin!

Hey get ekki skrifað meira ætla að fara í nokkrar húsgagnbúðir áður en þær loka!

Kær kveðja til þín sem lest þetta frá mér!

Íbúðarleitin mín!

2004-06-01T03:11:00.000Z

Jæja, nú í kvöld urðu tímamót í lífi okkar hjóna! Við erum búin að vera að leita af íbúð í töluverðan tíma núna og ég er ekki með tölu á hversu margar íbúðir við höfum skoðað,en engin hefur komið til greina hingað til!!! En í kvöld kíktum við á tvær íbúðir og þegar við sáum þá fyrri á netinu fyrir um 10 dögum, þá leist okkur ekkert á hana og ætluðum ekki einu sinn að skoða hana (sem er mjög skrítið vegna þess að okkar mottó í þessu öllu saman er að "það kostar ekkert að skoða"). Svo sagði Ingvar við mig í gær "heyrð mig langar til að skoða þessa íbúð" og ég sagði bara allt í lagi. Svo alveg síðan þá hef ég verið með undarlega tilfinningu í maganum um að þetta geti nú bara jafnvel verið íbúðin... svo í kvöld fórum við að skoða hana, og í fyrsta skiptið fékk ég svona tilfinningu "já þetta gæti verið hún" og það sem meira er þá virlaði það líka svona á Ingvar. Þetta er frábært og mér líður svo vel.

Núna erum við að biðja Guð um að Hans vilji verði í þessu og við treystu því að Hann sé með okkur í þessu sem og öllu öðru. Við vorum saman í litlu stofunni okkar í kvöld og vorum að biðja og hlusta á Guð og dróum svo sitthvort spjaldið úr öskju sem við eigum sem heitir "Orð Guðs til þín" og við dróum þetta:

"Þetta er sú djörfung, sem vér höfum til hans: Ef við biðjum um eitthvað eftir hans vilja, þá heyrir hann oss." 1.Jóh.5.14.

"Treyst Drottni og gjör gott, bú þú í landinu og iðka ráðvendni, þá munt þú gleðjast yfir Drottni, og hann mun veita þér það, sem hjarta þitt girnist." Sálm.37.3-4.

Sem sagt, við ætlum að gera tilboð í íbúðina á morgun og leggjum það í Guðs hendi og hvílum í honum og treystum því að ef við eigum að fá þessa íbúð þá fáum við hana á því verði sem við viljum borga fyrir hana... Þvílík forréttindi að þurfa ekki að hafa áhyggjur og verða hugsjúkur um hlutina, því að ég veit að Jesús vill bara það besta fyrir mig og pældu í því að hann vill veita mér það sem hjartað mitt girnist ef ég treysti honum! Hann er frábær og ég elska hann.

Jæja þetta er orðið nóg í dag (nei ég meina í nótt) og ég ætla að fara að sofa, ég bara gat ekki beðið með að skrifa þetta og auk þess er mesti friðurinn á nóttunni, þegar krakkarnir mínir sofa!

Guð blessi ykkur og ég læt ykkur vita þegar ég veit meira!!!

Gospeltónleikar

2004-05-31T17:42:00.000Z

Ég ætla að nota þetta frábæra tækifæri til þess að auglýsa vortónleika Gospelkórs Reykjavíkur!!!

Þeir verða þann 2. júní og verða alveg rosalegir. Í ár verður lofgjörðarþema og verður allt sungið á íslensku. Hljómsveitin verður æðisleg á þessum tónleikum því að þrír úr Mezzoforte munu spila með, þeir Gulli Briem, Jói Ásmunds og Óskar Guðjóns svo er auðvitað snillingurinn sjálfur (sem er ekki í Mezzoforte) Óskar Einarsson.
Ég hlakka mjög mikið til og veit ég að Þú sem munt koma verður ekki fyrir vonbrigðum. Það kostar 2000 kr inn og ef þú vilt fá miða hringdu þá í mig í síma 899-5886.

Ég skora á þig að koma og eiga yndislega kvöldstund með okkur og koma út full(ur) af blessun

Halló, halló

2004-05-31T14:59:00.000Z

Aldrei hefði ég trúað því að ég fengi mér blogg, en ég ætla að prufa í smá tíma og get þá commenterað pistlana hennar Kristínar Þóru og kannski dett ég svo rosalega inn í þetta að ég fer að nota þetta til að skrifa einhverskonar dagbók! Hver veit???? Ég ætla að tékka hvort þetta komi upp á skjáinn!

Heyrumst betur seinna.